Malappuram
വേങ്ങര എജ്യു എക്സ്പോ മെയ് 10ന്: പോസ്റ്റർ പ്രകാശനം ചെയ്തു
വേങ്ങര എജ്യു എക്സ്പോയുടെ പോസ്റ്റർ പ്രകാശനം പി കെ കുഞ്ഞാലിക്കുട്ടി എം എല് എ നിര്വഹിച്ചു.
വേങ്ങര| ഉപരിപഠന-കരിയര് മേഖലയില് ഉയര്ന്നതലങ്ങളിലേക്ക് വിദ്യാര്ഥികള്ക്ക് മാര്ഗനിര്ദേശം നല്കുന്ന വേങ്ങര എജ്യു എക്സ്പോ മൂന്നാമത് എഡിഷന് മെയ് 10ന് വേങ്ങരയില് നടക്കും. വേങ്ങര ജി വി എച്ച് എസ് എസാണ് എക്സ്പോക്ക് വേദിയാവുക. പ്രമുഖ കരിയര് കൗണ്സിലര്മാരും വിദ്യാഭ്യാസ രംഗത്തെ പ്രമുഖരും നേതൃത്വം നല്കും. ഉപരിപഠന സംബന്ധമായ വിദ്യാര്ഥികളുടെ മുഴുവന് സംശയങ്ങള്ക്കും മറുപടി ലഭിക്കും.
വിസ്ഡം എജ്യുക്കേഷന് ഫൗണ്ടേഷന് ഓഫ് ഇന്ത്യ, എസ് വൈ എസ് വേങ്ങര സോണ് സാംസ്കാരികം ഡയറക്ടറേറ്റ്, ഐ പി എഫ് വേങ്ങര ചാപ്റ്റര് സംയുക്തമായി സംഘടിപ്പിക്കുന്ന എജ്യു എക്സ്പോ വിദ്യാര്ഥികള്ക്കും രക്ഷിതാക്കള്ക്കും പുതിയൊരനുഭവമാകും. സിവില് സര്വീസ്, മെഡിക്കല്, എന്ജിനീയറിംഗ്, കൊമേഴ്സ്, മാനേജ്മെന്റ് പഠനം, ഹ്യുമാനിറ്റീസ്, സൈക്കോളജി തുടങ്ങിയ നിരവധി കോഴ്സുകളെ കുറിച്ച് വിശദമായ വിവരങ്ങള് വിദ്യാര്ഥികള്ക്ക് ലഭിക്കും.
എ ഐ, റോബോട്ടിക്സ് എന്നിവയെ കുറിച്ച് ഈരംഗത്തെ പ്രമുഖര് വിദ്യാര്ഥികളുമായി സംവദിക്കും. വണ് ടു വണ് ടോക്, ആപ്റ്റിട്യൂട്ട് ടെസ്റ്റ്, കരിയര് സ്പീച്ച് , ടോപ്പേഴ്സ് ടോക്ക് തുടങ്ങിയ സെഷനുകളും നടക്കും. വേങ്ങര എജ്യു എക്സ്പോയുടെ പോസ്റ്റർ പ്രകാശനം പി കെ കുഞ്ഞാലിക്കുട്ടി എം എല് എ നിര്വഹിച്ചു. ജലീല് കല്ലേങ്ങല്പടി, ശാഹുല് ഹമീദ് ചിനക്കല്, ഉവൈസ് അദനി, സല്മാന് പാലാണി, ഡോ. പി ഐ മുഹമ്മദ് അലി പങ്കെടുത്തു. എക്സ്പോയുമായി ബന്ധപ്പെട്ട വിവരങ്ങൾക്ക് :73562 98485.
Latest
മലപ്പുറം ആറുവരിപ്പാതയില് തെറ്റായ ദിശയില് കാറോടിച്ച സംഭവം; കേസെടുത്ത് എന്ഫോഴ്സ്മെന്റ് ആര് ടി ഒ
മഹാരാഷ്ട്രയില് വ്യത്യസ്ത വാഹനാപകടങ്ങളില് 14 മരണം
വൈദ്യുതി പ്രതിസന്ധി: കാരണം സര്ക്കാരിന്റെ ദീര്ഘവീക്ഷണമില്ലായ്മയെന്ന് എം എം മണി
നിയമം കൈയിലെടുക്കാന് ആരെയും അനുവദിക്കരുത്; ബസ് ഓടിക്കുന്നവര് റോഡിലെ തമ്പുരാക്കന്മാരല്ലെന്നും ഹൈക്കോടതി
ഭാര്യയേയും മൂന്ന് മക്കളേയും ഇഷ്ടിക കൊണ്ട് തലക്കടിച്ച് കൊലപ്പെടുത്തി; പ്രതിക്കായി തിരച്ചില്
ഭാര്യ ആത്മഹത്യ ചെയ്തതിലെ മനോവിഷമം; കാസര്കോട് ബിരിക്കുളത്ത് ഭര്ത്താവ് ജീവനൊടുക്കി
