Kerala
സുധാകരന്റെ അസഭ്യപ്രയോഗത്തില്‍ ഹൈക്കമാന്‍ഡിനോട് അതൃപ്തി അറിയിച്ച് വി.ഡി സതീശന്‍
വിഷയത്തില്‍ എ.ഐ.സി.സി ജനറല്‍ സെക്രട്ടറി കെ.സി വേണുഗോപാല്‍ ഇടപെട്ടു. തെരഞ്ഞെടുപ്പിനെയും സമരാഗ്‌നി പരിപാടിയെയും ഇക്കാര്യം ബാധിക്കുമെന്ന് കെ.സി വേണുഗോപാല്‍ മുന്നറിയിപ്പ് നല്‍കി.
എറണാകുളം| കെ.പി.സി.സി പ്രസിഡന്റ് കെ സുധാകരന്റെ അസഭ്യപ്രയോഗത്തില്‍ ഹൈക്കമാന്‍ഡിനോട് അതൃപ്തി അറിയിച്ച് പ്രതിപക്ഷ നേതാവ് വി.ഡി സതീശന്‍. അതേസമയം വിഷയത്തില്‍ എ.ഐ.സി.സി ജനറല്‍ സെക്രട്ടറി കെ.സി വേണുഗോപാല്‍ ഇടപെട്ടു. തെരഞ്ഞെടുപ്പിനെയും സമരാഗ്‌നി പരിപാടിയെയും ഇക്കാര്യം ബാധിക്കുമെന്ന് കെ.സി വേണുഗോപാല്‍ മുന്നറിയിപ്പ് നല്‍കി. വേണുഗോപാല്‍ ഇരുനേതാക്കളോടും സംസാരിച്ചു.
സതീശനുമായി അഭിപ്രായ വ്യത്യാസമില്ലെന്ന് കെ.സുധാകരന്‍ വ്യക്തമാക്കി. ഞങ്ങള്‍ തമ്മില്‍ ഒരു തര്‍ക്കവുമില്ലെന്നും മാധ്യമപ്രവര്‍ത്തകരുടെ അസ്വസ്ഥത കണ്ട് ഇടപെട്ടതാണെന്നും സുധാകരന്‍ വ്യക്തമാക്കി. താനും സതീശനും ജ്യേഷ്ഠാനുജന്‍മാരെ പോലെയാണെന്നും അദ്ദേഹത്തോട് ദേഷ്യമില്ലെന്നും സുധാകരന്‍ പറഞ്ഞു.
പത്രസമ്മേളനത്തിനായി കെ. സുധാകരന്‍ എത്തി 20 മിനിറ്റ് വൈകിയാണ് വി.ഡി. സതീശന്‍ എത്തിയത്. ഇതോടെ കെ. സുധാകരന്‍ ക്ഷുഭിതനാകുകയായിരുന്നു. വൈകിയതിനെ സംബന്ധിച്ച് സുധാകരന്‍ പ്രവര്‍ത്തകരോട് അതൃപ്തി അറിയിക്കുന്നതിനിടയില്‍ അസഭ്യവാക്കും ഉപയോഗിച്ചു. ഷാനിമോള്‍ ഉസ്മാന്‍ ഇടപെട്ട് മാധ്യമങ്ങളുടെ മൈക്ക് ഓണ്‍ ആണെന്ന് സുധാകരനെ ഓര്‍മിപ്പിച്ചതോടെയാണ് സംസാരം അവസാനിപ്പിച്ചത്.
Latest
കളങ്കിത കൂട്ടുകെട്ട് പൊതുപ്രവര്‍ത്തകര്‍ക്ക് ഭൂഷണമല്ല; ശോഭ സുരേന്ദ്രനെതിരെ ബിജെപി സംസ്ഥാന വൈസ് പ്രസിഡന്റ്
വൈദ്യുതി ഉപഭോഗം റെക്കോര്‍ഡ് പിന്നിട്ടു; ലോഡ് ഷെഡ്ഡിങ്ങ് ഏര്‍പ്പെടുത്തണമെന്ന് കെ എസ് ഇ ബി
കെ എസ് ആര്‍ ടി സിക്ക് കുറുകെ കാര്‍ നിര്‍ത്തി തടസം സൃഷ്ടിച്ചു; ആര്യ രാജേന്ദ്രനും സച്ചിന്‍ദേവിനുമെതിരെ കേസെടുക്കണമെന്ന് മനുഷ്യാവകാശ കമ്മീഷന് പരാതി
മക്‌ഡോണാള്‍ഡ്‌സില്‍ നിന്ന് ബര്‍ഗര്‍ കഴിച്ചയാള്‍ക്ക് ഭക്ഷ്യവിഷബാധ; പരാതിയില്‍ നടപടി
14കാരിയായ അതിജീവിതയ്ക്ക് ഗര്‍ഭച്ഛിദ്രത്തിന് അനുവാദം നല്‍കിയ ഉത്തരവ് തിരിച്ചുവിളിച്ച് സുപ്രീംകോടതി
പാലക്കാട് ബാന്‍ഡ് മേളത്തിനിടെ ബ്യുഗിള്‍ കലാകാരന്‍ കുഴഞ്ഞു വീണ് മരിച്ചു
