Connect with us

Zycov D

സൂചിയില്ലാതെ കുത്തിവെക്കുന്ന വാക്‌സീന്‍ ഇന്ത്യയില്‍ ഒക്ടോബര്‍ ആദ്യം

അടിന്തര ഉപയോഗത്തിന് ഈ വാക്‌സീന് കഴിഞ്ഞ ആഗസ്റ്റ് ഇരുപതിന് തന്നെ അനുമതി ലഭിച്ചിരുന്നു

Published

|

Last Updated

ന്യൂഡല്‍ഹി | സൂചിയില്ലാതെ കുത്തിവെക്കുന്ന കൊവിഡ് വാക്‌സീന്‍ ഒക്ടോബറില്‍ ഇന്ത്യയില്‍ പുറത്തിറങ്ങിയേക്കും. സൈഡസ് കാഡ്‌ല വികസിപ്പിച്ച സൈക്കോവ്- ഡിയാണ് ഒക്ടോബര്‍ ആദ്യം വിതരണത്തിനെത്തുമെന്ന് കരുതപ്പെടുന്നത്. അടിന്തര ഉപയോഗത്തിന് ഈ വാക്‌സീന് കഴിഞ്ഞ ആഗസ്റ്റ് ഇരുപതിന് തന്നെ അനുമതി ലഭിച്ചിരുന്നു.

ലോകത്തെ ആദ്യത്തെ പ്ലാസ്മിഡ് ഡി എന്‍ എ വാക്‌സീനാണ് സൈക്കോവ്- ഡി. മൂന്ന് ഡോസുകളായാണ് ഈ വാക്‌സീന്‍ കുത്തിവെക്കുക. ആദ്യത്തെ ഡോസ് എടുത്ത് 28-ാം ദിവസം രണ്ടാം ഡോസും 56-ാം ദിവസം മൂന്നാം ഡോസും എടുക്കണം. 12 നും 18നും ഇടയിലുള്ള കൗമാരപ്രായക്കാര്‍ക്ക് ഈ വാക്‌സീന്‍ വിതരണം ചെയ്യാന്‍ അനുമതി ലഭിച്ചിട്ടുണ്ട്.

ഒക്ടോബറില്‍ മാസം ഒരു കോടി വാക്‌സീനും തുടര്‍ന്ന് ജനുവരി വരെ നാല് മുതല്‍ അഞ്ച് കോടി വരെ വാക്‌സീനും വിതരണം ചെയ്യാന്‍ കഴിയുമെന്നാണ് പ്രതീക്ഷിക്കുന്നതെന്ന് സൈഡസ് കാഡ്‌ലയുടെ ഡയറക്ടര്‍ ഡോക്ടര്‍ ഷാര്‍വില്‍ പട്ടേല്‍ അറിയിച്ചു.

Latest