പാലക്കാട് രണ്ട് പേർ ഷോക്കേറ്റ് മരിച്ചു

പാലക്കാട് | പുതൂർ മഞ്ചക്കണ്ടിയിൽ രണ്ട് പേർ ഷോക്കേറ്റ് മരിച്ചു. ഇന്നലെ രാത്രി രണ്ട് പേരും പറമ്പിൽ മോട്ടോറിന്റെ ചില അറ്റകുറ്റപ്പണികൾ നടത്തിയിരുന്നു. ഇതിന്റെ വയറിൽനിന്ന് ഷോക്കേറ്റാണ് അപകടമെന്ന് കരുതുന്നു.

മഞ്ചക്കണ്ടി സ്വദേശി മാത്യു, ചെർപ്പുളശ്ശേരി സ്വദേശി രാജു എന്നിവരാണ് മരിച്ചത്. രാത്രി 10.30 വ​രെ ഇവർക്കൊപ്പം മറ്റുസുഹൃത്തുക്കളും ഉണ്ടായിരുന്നു.

വീടിനോട് ചേർന്നുള്ള പറമ്പിലാണ് മൃതദേഹങ്ങൾ കണ്ടെത്തിയത്. പുലർച്ചെയാണ് മാത്യുവിനെയും രാജുവിനെയും മരിച്ച നിലയിൽ കണ്ടെത്തിയത്. അഗളി പോലീസ് കേ​സെടുത്തു.