Kerala
പത്താംക്ലാസ് വിദ്യാര്‍ഥിനിയുടെ ആമാശയത്തില്‍ നിന്നും രണ്ടുകിലോ മുടി ശാസ്ത്രക്രിയയിലൂടെ നീക്കം ചെയ്തു
സര്‍ജറി വിഭാഗം പ്രൊഫസര്‍ ഡോ വൈ ഷാജഹാന്റെ നേതൃത്വത്തിലാണ് ശസ്ത്രക്രിയ നടത്തിയത്.
കോഴിക്കോട് | പത്താംക്ലാസ് വിദ്യാര്‍ഥിനിയുടെ ആമാശയത്തില്‍ നിന്നും രണ്ടുകിലോയോളം തൂക്കമുള്ള മുടിക്കെട്ട് ശസ്ത്രക്രിയയിലൂടെ നീക്കം ചെയ്തു. പാലക്കാട് സ്വദേശിനിയായ പെണ്‍കുട്ടിക്കാണ് കോഴിക്കോട് മെഡിക്കല്‍ കോളേജ് ആശുപത്രിയില്‍ വെച്ച് സങ്കീര്‍ണമായ ശസ്ത്രക്രിയ നടത്തിയത്. ആമാശയത്തിന്റെ അതേ രൂപത്തില്‍ 30 സെന്റീമീറ്റര്‍ നീളത്തിലും 15 സെന്റീമീറ്റര്‍ വീതിയിലുമാണ് മുടിക്കെട്ട് ഉണ്ടായിരുന്നത്. സര്‍ജറി വിഭാഗം പ്രൊഫസര്‍ ഡോ വൈ ഷാജഹാന്റെ നേതൃത്വത്തിലാണ് ശസ്ത്രക്രിയ നടത്തിയത്.
അമിത ആകാംക്ഷയും അമിതസമ്മര്‍ദവുമുള്ള കുട്ടികളിലും ചെറുപ്പക്കാരിലും, പ്രത്യേകിച്ച് പെണ്‍കുട്ടികളില്‍ കാണുന്ന അവസ്ഥയാണിത്. പലകാലങ്ങളിലായി കടിക്കുകയും വിഴുങ്ങുകയും ചെയ്ത തലമുടി ആമാശയത്തിനുള്ളില്‍ കെട്ടുപിണഞ്ഞ് ആഹാരാംശവുമായി ചേര്‍ന്ന് ട്യൂമറായി മാറുന്ന അവസ്ഥ. ട്രൈക്കോബിസയര്‍ എന്നാണ് ഇതിന്റെ ശാസ്ത്രീയനാമം.
ശസ്ത്രക്രിയക്കുശേഷം കുട്ടി പൂര്‍ണ ആരോഗ്യവതിയാണെന്ന് ആശുപത്രി അധികൃതര്‍ അറിയിച്ചു.
Latest
വേദന സഹിക്കാന്‍ കഴിയുന്നില്ലെന്ന് പറഞ്ഞിട്ടും മരുന്ന് നല്‍കിയില്ല, രക്ഷിക്കണമെന്ന് ഡോക്ടര്‍മാരോട് കേണപേക്ഷിച്ചു; തിരുവനന്തപുരത്ത് ചികിത്സ കിട്ടാതെ മരിച്ച വേണുവിന്റെ ഭാര്യ
ബിഹാര്‍ തിരഞ്ഞെടുപ്പ്: പോളിങ്ങ് കുതിച്ചുയര്‍ന്നതില്‍ പ്രതീക്ഷയര്‍പ്പിച്ച് ഇരു മുന്നണികളും
സീറ്റ് നിര്‍ണയം: തിരുവനന്തപുരം കോര്‍പറേഷന്‍ കോണ്‍ഗ്രസ്സില്‍ കലഹം;മണക്കാട് സുരേഷിന്റെ രാജി അവഗണിക്കാന്‍ തീരുമാനം
ഷട്ട് ഡൗണ്‍ പ്രതിസന്ധി; അമേരിക്കയില്‍ 10 ശതമാനം വിമാന സര്‍വീസുകള്‍ നിര്‍ത്തലാക്കാന്‍ തീരുമാനം
ശബരിമല സ്വര്‍ണകവര്‍ച്ച; മുന്‍ തിരുവാഭരണം കമ്മീഷണര്‍ കെ എസ് ബൈജുവിനെ ഇന്ന് റാന്നി മജിസ്‌ട്രേട്ട് കോടതിയില്‍ ഹാജരാക്കും
ജാമിഅതുല്‍ ഹിന്ദ് ബിരുദദാന സമ്മേളനത്തിന് ഇന്ന് തുടക്കം
