ഇത്തവണ ഏറ്റവും കൂടുതൽ ഹാജിമാർ ഇന്തോനേഷ്യയിൽ നിന്ന്

മക്ക |ഹജ്ജ് പ്രായ പരിധി ഉൾപ്പെടെയുള്ള നിയന്ത്രണങ്ങൾ പൂർണമായും ഒഴിവാക്കിയതോടെ ഈ വർഷം  ഹജ്ജ് തീർഥാടനത്തിൽ പങ്കെടുക്കുന്നതിന്  ഏറ്റവും കൂടുതൽ ഹാജിമാരെത്തുന്നത് ഇന്തോനേഷ്യയിൽ നിന്നായിരിക്കും. 2,21,000 തീർഥാടകരാണ്  ഈ വർഷത്തെ ഹജ്ജ്  കർമങ്ങളിൽ പങ്കെടുക്കുകയെന്ന് ഇന്തോനേഷ്യൻ മതകാര്യ മന്ത്രി യാക്ത് ചോലിൽ ക്വോമസ് പറഞ്ഞു.

സഊദി അറേബ്യയും – ഇന്തോനേഷ്യയും തമ്മിൽ ഒപ്പ് വെച്ച ഹജ്ജ് കരാർ പ്രകാരം സാധാരണ ഹജ്ജ് പാക്കേജിൽ  2,03,320 ഹജ്ജ് തീർഥാടകരും സ്‌പെഷ്യൽ പാക്കേജിൽ 1,7,680 പേർക്കുമാണ് ഹജ്ജിന് അവസരം ലഭിക്കുക. 1,80,000 പേരുമായി പാക്കിസ്ഥാനും 1,75,025 തീർഥാടകരുമായി ഇന്ത്യയുമാണ് ആദ്യ രണ്ടും മൂന്നും സ്ഥാനങ്ങളിലുള്ളത്