ജീവിക്കാന്‍ ഈ നഗരങ്ങള്‍ ബെസ്റ്റാണ്

എക്കണോമിസ്റ്റ് മാസികയുടെ സഹോദര സ്ഥാപനമായ എക്കണോമിസ്റ്റ് ഇന്റലിജന്‍സ് യൂണിറ്റ് ലോകത്തിലെ ഏറ്റവും മികച്ച ജീവിതയോഗ്യമായ അഞ്ചു നഗരങ്ങളെ കണ്ടെത്തിയിട്ടുണ്ട്. ഏതൊക്കെയെന്ന് നോക്കാം.

സ്ഥിരത,വിദ്യാഭ്യാസം, അടിസ്ഥാന സൗകര്യങ്ങള്‍ എന്നിവയിലൂടെയാണ് സ്‌കോര്‍ നല്‍കിയിരിക്കുന്നത്. സുസ്ഥിരതയിലും ജീവിതം നിലവാരത്തിലും മികച്ച നേട്ടം കൈവരിച്ച നഗരങ്ങളെയാണ് തെരഞ്ഞെടുത്തിരിക്കുന്നത്.

കോപ്പന്‍ഹേഗന്‍

ഡെന്മാര്‍ക്കിലെ കോപ്പന്‍ഹേഗനാണ് പട്ടികയില്‍ ഒന്നാമതായി നില്‍ക്കുന്നത്. ആരോഗ്യകാര്യത്തിലും മികച്ച ജീവിത നിലവാരത്തിലും സുരക്ഷയിലും വിദ്യാഭ്യാസത്തിലും അടിസ്ഥാന സൗകര്യങ്ങളിലും എല്ലാം ഈ നഗരം മുന്നിട്ടുനില്‍ക്കുന്നു.

വിയന്ന

സമ്പന്നമായ സംസ്‌കാരം, സുരക്ഷ, കാര്യക്ഷമമായ പൊതു സേവനങ്ങള്‍ എന്നിവയ്ക്ക് പേര് കേട്ട നഗരമാണ് ഓസ്‌ട്രേലിയയിലെ വിയന്ന.

സൂറിച്ച്

സ്വിറ്റ്‌സര്‍ലാന്‍ഡിലെ സൂറിച്ചും ഈ വര്‍ഷം വിയന്നയ്ക്ക് ഒപ്പത്തിനൊപ്പം ആണ്. മികച്ച ആരോഗ്യ നിലവാരവും പൊതുഗതാഗത സേവനങ്ങളും ഇവിടെയുമുണ്ട്.

മെല്‍ബണ്‍

ഓസ്‌ട്രേലിയയിലെ മെല്‍ബണ്‍ ആണ് മറ്റൊരു നഗരം. കലാവൈവിധ്യം മികച്ച വിദ്യാഭ്യാസം, വിശ്രമം അനുവദിക്കുന്ന ജീവിതശൈലി എന്നിവയെല്ലാം മെല്‍ബണിന്റെ പ്രത്യേകതയാണ്.

ജനീവ

സ്വിറ്റ്‌സര്‍ലാന്‍ഡിലെ ജനീവ ആരോഗ്യ സംരക്ഷണം, ശുചിത്വം, ആഗോള കണക്ടിവിറ്റി എന്നിവയില്‍ ഉയര്‍ന്ന നിലവാരം പുലര്‍ത്തുന്നു. അതുകൊണ്ടുതന്നെ പട്ടികയില്‍ തിരഞ്ഞെടുക്കപ്പെട്ട മറ്റൊരു നഗരമാണ് ജനീവ.