Kerala
ബൈക്കില്‍ സഞ്ചരിക്കവെ മയില്‍ ദേഹത്തിടിച്ച് യുവാവ് മരിച്ചു; ഭാര്യക്ക് പരുക്ക്
അയ്യന്തോള്‍ പുഴക്കല്‍ റോഡില്‍ പഞ്ചിക്കലിലെ ബിവറേജസ് ഔട്ട്‌ലെറ്റിന് മുന്നില്‍ തിങ്കളാഴ്ച രാവിലെയായിരുന്നു അപകടം.
തൃശൂര്‍ | ബൈക്ക് ഓടിക്കുന്നതിനിടെ മയില്‍ ദേഹത്തിടിച്ച് നിയന്ത്രണം വിട്ട് യുവാവ് മരിച്ചു. ഭാര്യക്ക് പരിക്കേറ്റു. പുന്നയൂര്‍ക്കുളം പീടികപറമ്പില്‍ മോഹനന്റെ മകന്‍ പ്രമോഷ് (34) ആണ് മരിച്ചത്. പരിക്കേറ്റ ഭാര്യ വീണയെ(26) സ്വകാര്യ ആശുപത്രിയില്‍ പ്രവേശിപ്പിച്ചു. അയ്യന്തോള്‍ പുഴക്കല്‍ റോഡില്‍ പഞ്ചിക്കലിലെ ബിവറേജസ് ഔട്ട്‌ലെറ്റിന് മുന്നില്‍ തിങ്കളാഴ്ച രാവിലെയായിരുന്നു അപകടം. മയിലും ചത്തു.
ദമ്പതികള്‍ ബൈക്കില്‍ സഞ്ചരിക്കവെ റോഡ് മുറിച്ചു പറന്ന മയില്‍ പ്രമോഷിന്റെ നെഞ്ചില്‍ ഇടിക്കുകയായിരുന്നു. ഇതോടെ ബൈക്ക് നിയന്ത്രണം വിട്ട് മതിലില്‍ ഇടിച്ച് മറിഞ്ഞു. നിയന്ത്രണം വിട്ട ബൈക്ക് മറ്റൊരു ബൈക്കിനേയും ഇടിച്ചു തെറിപ്പിച്ചു. ആ ബൈക്കിലെ യാത്രക്കാരനായ വാടാനപ്പിള്ളി നടുവില്‍ക്കര വടക്കന്‍ വീട്ടില്‍ മോഹനന്റെ മകന്‍ ധനേഷിനും (37) പരിക്കേറ്റു.
തൃശൂര്‍ മാരാര്‍ റോഡിലെ സ്വകാര്യ ബാങ്കില്‍ ജീവനക്കാരനാണ് പ്രമോഷ്. നാല് മാസം മുമ്പായിരുന്നു വിവാഹം. പ്രമീളയാണ് പ്രമോഷിന്റെ അമ്മ. സഹോദരങ്ങള്‍: ശരണ്‍, പ്രസീത.
Latest
വിവാഹിതനാവാന്‍ നാട്ടിലേക്കു തിരിക്കാനിരുന്ന യുവാവ് ദുബൈയില്‍ ഹൃദയാഘാതം മൂലം മരിച്ചു
അവസാനം അത് സംഭവിച്ചു; വുകോമനോവിചുമായി വേര്‍പിരിഞ്ഞ് ബ്ലാസ്റ്റേഴ്‌സ്
കല്‍പ്പറ്റയില്‍ വാഹനാപകടം; യുവാവ് മരിച്ചു
യുവാവിനെ തട്ടിക്കൊണ്ടുപോയി മര്‍ദിച്ച ശേഷം ഉപേക്ഷിച്ചു; മൂന്നുപേര്‍ പോലീസ് പിടിയില്‍
സംസ്ഥാനത്ത് നീതിയുക്തമായ തിരഞ്ഞെടുപ്പ് നടന്നില്ല: വി ഡി സതീശന്‍
അന്താരാഷ്ട്ര ഫുട്‌ബോളില്‍ ഈ വര്‍ഷം കൂടി മാത്രം; വിരമിക്കലിനൊരുങ്ങി മാര്‍ത്ത
