Video

തീര്‍ഥാടകരുടെ മിനി ബസ് ട്രക്കില്‍ ഇടിച്ച് ഏഴ് പേര്‍ മരിച്ചു

ഉത്തര്‍പ്രദേശിലെ ബുലന്ദ് ഷഹറില്‍ നിന്നുള്ള കുടുംബമാണ് ബസില്‍ ഉണ്ടായിരുന്നത്. ബസ്സിലുണ്ടായിരുന്ന മുഴുവന്‍ ആളുകളും ഒരേ കുടുംബത്തില്‍ നിന്ന് ഉള്ളവരാണെന്നും അപകട സമയത്ത് എല്ലാവരും ഉറക്കത്തിലായിരുന്നെന്നും യാത്രക്കാരില്‍ ഒരാള്‍ പറഞ്ഞു.

ഹരിയാനയിലെ അംബാലയില്‍ മിനി ബസ് ട്രക്കില്‍ ഇടിച്ച് ഏഴ് പേര്‍ മരിച്ചു. അപകടത്തില്‍ 25 പേര്‍ക്ക് പരുക്കേറ്റു. അംബാല-ഡല്‍ഹി-ജമ്മു ദേശീയപാതയില്‍ വെള്ളിയാഴ്ച രാവിലെയാണ് അപകടം. ജമ്മുവിലെ വൈഷ്ണോ ദേവി തീര്‍ഥാടന കേന്ദ്രത്തിലേക്ക് പോയ 30 അംഗ സംഘം സഞ്ചരിച്ച ബസാണ് അപകടത്തില്‍ പെട്ടത്.