Alappuzha
കൊവിഡ് ബാധിച്ച് ഗര്ഭിണി മരിച്ചു; കുഞ്ഞിനെ രക്ഷപ്പെടുത്തി
നവജാത ശിശു വണ്ടാനം മെഡിക്കല് കോളേജ് ആശുപത്രിയില് തീവ്രപരിചരണ വിഭാഗത്തിലാണ്.
ഏഴ് മാസം ഗര്ഭിണിയായ പ്രിയങ്കയ്ക്ക് പനി വന്നതിനെ തുടര്ന്ന് പച്ച സ്വകാര്യ ആശുപത്രിയില് ചികിത്സ തേടിയിരുന്നു. ഇവിടെ വച്ച് നടത്തിയ പരിശോധനയിലാണ് കൊവിഡ് സ്ഥിരീകരിച്ചത്. തുടര് ചികിത്സക്കായി തിരുവല്ല ബിലീവേഴ്സ് ഹോസ്പിറ്റലിലേക്ക് മാറ്റി. രോഗം മൂര്ഛിച്ചതോടെ ഓപ്പറേഷനിലൂടെ കുട്ടിയെ പുറത്തെടുക്കാന് ആശുപത്രി അധികൃതര് അറിയിച്ചു. ബന്ധുക്കളുടെ സമ്മതപ്രകാരം ഓപ്പറേഷന് നടത്തി കുട്ടിയെ പുറത്തെടുത്തെങ്കിലും പ്രിയങ്കയുടെ ജീവന് രക്ഷിക്കാനായില്ല.
നവജാത ശിശു വണ്ടാനം മെഡിക്കല് കോളേജ് ആശുപത്രിയില് തീവ്രപരിചരണ വിഭാഗത്തിലാണ്. പ്രിയങ്കയുടെ മാതാവ് കൊവിഡ് ബാധയെ തുടര്ന്ന് ഹരിപ്പാട് സ്വകാര്യ ആശുപത്രിയില് ചികിത്സയിലാണ്. ഭര്ത്താവ് ചെങ്ങന്നൂര് കൊല്ലക്കടവ് ചെരുവള്ളൂര് പാറപ്പുറത്ത് ശ്രീജിത്ത്.