Kozhikode
മര്കസ് നോളജ് സിറ്റി മസ്ജിദിന്റെ ആദ്യ കവാടം തുറന്നു
ലോക പ്രശസ്ത പണ്ഡിതനും യെമനിലെ ദാറുല് മുസ്തഫ യൂനിവേഴ്സിറ്റിയുടെ തലവനുമായ സയ്യിദ് ഉമര് ബിന് ഹഫീസ് തങ്ങള് ആദ്യ കവാടമായ ബാബുസ്സലാം തുറന്നു നല്കി.
നോളജ് സിറ്റി | മര്കസ് നോളജ് സിറ്റി കള്ച്ചറല് സെന്ററില് നിര്മാണം പൂര്ത്തിയായി കൊണ്ടിരിക്കുന്ന മസ്ജിദിന്റെ ഒമ്പത് കവാടങ്ങളില് ആദ്യത്തെത് ഔദ്യോഗികമായി തുറന്നു. കഴിഞ്ഞ ദിവസം പുലര്ച്ചെ നാലിന് മസ്ജിദില് നടന്ന ആത്മീയ സദസ്സില് പ്രമുഖ പണ്ഡിതന്മാരുടെ സാന്നിധ്യത്തില് ലോക പ്രശസ്ത പണ്ഡിതനും യെമനിലെ ദാറുല് മുസ്തഫ യൂനിവേഴ്സിറ്റിയുടെ തലവനുമായ സയ്യിദ് ഉമര് ബിന് ഹഫീസ് തങ്ങള് ആദ്യ കവാടമായ ബാബുസ്സലാം തുറന്നു നല്കി. പ്രഭാത പ്രാര്ഥനക്ക് കാന്തപുരം എ പി അബൂബക്കര് മുസ്ലിയാര് നേതൃത്വം നല്കി.
മസ്ജിദില് നടന്ന പ്രാര്ഥനാ ചടങ്ങുകള്ക്ക് ഇ സുലൈമാന് മുസ്ലിയാര്, സയ്യിദ് അലി ബാഫഖി തങ്ങള്, മറ്റു സമസ്ത മുശാവറ അംഗങ്ങള് തുടങ്ങിയവര് നേതൃത്വം വഹിച്ചു. തുടര് ദിവസങ്ങളില് മറ്റു കവാടങ്ങളും വിവിധ പരിപാടികളോടെ തുറക്കും. നവംബര് ഇരുപത് വരെ നിശ്ചയിച്ചിരിക്കുന്ന മര്കസ് നോളജ് സിറ്റിയുടെ ഉദ്ഘാടന പരിപാടികളില് വിവിധ പദ്ധതികളാണ് ആസൂത്രണം ചെയ്തിട്ടുള്ളത്.
Latest
നാമനിര്ദ്ദേശ പത്രിക സമര്പ്പിക്കാനുള്ള സമയം ഇന്നവസാനിക്കും
ഹോര്മുസ് കടലിടുക്കില് ഗതാഗതം നിയന്ത്രണം; ഉത്തരവാദികള് അമേരിക്കയും ഇസ്റാഈലുമെന്ന് ഇറാന്
ഇസ്റാഈലില് നാശം വിതച്ച് ഇറാന്റെ ക്ലസ്റ്റര് ബോംബുകള് ഘടിപ്പിച്ച മിസൈല് ആക്രമണം
പയ്യന്നൂരിലെ സ്വതന്ത്ര സ്ഥാനാര്ഥി വി കുഞ്ഞികൃഷ്ണന് കോണ്ഗ്രസ് ഓഫീസില് എത്തി
കളമശേരിയില് പെണ്കുട്ടിയെ ആക്രമിച്ച് കവര്ച്ച നടത്തിയ പ്രതി പിടിയില്
സാദിഖലി തങ്ങള്ക്കെതിരെ സാമൂഹിക മാധ്യമങ്ങളില് വ്യാജ പ്രചാരണം; മുസ്്ലിം ലീഗ് പോലീസില് പരാതി നല്കി
