കവിത
ഏകാന്തത
ഏകാന്തതയിലാണ് കവിതകൾ പൂക്കുന്നത്
ഏകാന്തതയിൽ ഭ്രാന്ത്
പൂക്കാൻ തുടങ്ങും
കൂടിളകിയ കടന്നൽക്കൂട്ടങ്ങളെ
തലയോട്ടിയിൽ കൂട്ടിരുത്തും
രക്തത്തിൽ പ്രണയത്തിന്റെ
ചുവന്ന പൂക്കൾ പൂക്കാൻ തുടങ്ങും
ഏകാന്തതയുടെ മകുടിയിലേക്ക്
ഫണം വിടർത്തിയാടുന്ന പാമ്പുകളെ
തലോടാൻ പഠിക്കും
ചിതലരിച്ച വാക്കുകളിൽ
ചിലന്തിവല നെയ്യാൻ തുടങ്ങും
നിന്നെ ഓർത്താൽ മതി
നിന്റെ ചിരിയുടെ ചിതയിൽ
കടന്നലുകൾ ചത്തൊടുങ്ങും
കവിതയിലേക്ക് ഭ്രാന്തിനെ
വലിച്ചെറിഞ്ഞ് അക്ഷരങ്ങൾ
ചികയാൻ തുടങ്ങും
ഏകാന്തതയിലാണ്
കവിതകൾ പൂക്കുന്നത്
Content Highlights: This evocative Malayalam poem explores how intense loneliness breeds madness, painful thoughts, and creative inspiration. The memory of a loved one acts as a healing force that transforms inner turmoil into poetry. Ultimately, solitude becomes the fertile ground where profound artistic expressions blossom.
Latest
നഗരം സ്തംഭിപ്പിച്ച് യൂത്ത് ലീഗ് റാലി; മുനവ്വറലി തങ്ങള്‍, പി കെ ഫിറോസ് ഉള്‍പ്പെടെയുള്ളവര്‍ക്കെതിരെ കേസ്
കുറ്റകൃത്യങ്ങളില്‍ 35 ശതമാനം കുറവ്; തൂഫാന്‍ രണ്ടാംഘട്ടം 16ന്
കരട് പട്ടികയില്‍ പേരില്ലാത്ത മുന്‍ വോട്ടര്‍മാര്‍ക്കും ഫോം ആറ് സമര്‍പ്പിക്കാം
ഹരിദ്വാര്‍ യാത്രക്കിടെ കാര്‍ മറിഞ്ഞ് തീപിടിച്ചു; ഹരിയാന സ്വദേശികളായ ആറ് യുവാക്കള്‍ വെന്തുമരിച്ചു
ബംഗ്ലാദേശിലെ രണ്ട് ലക്ഷം റോഹിങ്ക്യകള്‍ക്ക് സുരക്ഷിത കുടിവെള്ളം ലഭ്യമാക്കാന്‍ പദ്ധതി ആവിഷ്‌കരിച്ച് കെ എസ് റിലീഫ്
ഗ്രീക്ക് ദ്വീപായ ക്രീറ്റിന് സമീപം കുടിയേറ്റക്കാരുമായി പോയ ബോട്ട് മുങ്ങി; 13 പേര്‍ മരിച്ചു
