Kerala
കേരള മുസ് ലിം ജമാഅത്ത് സംസ്ഥാന കൗൺസിലിന് തുടക്കം
കഴിഞ്ഞകാല പദ്ധതി പ്രവർത്തനങ്ങളുടെ അവലോകനം, ഘടക പ്രവർത്തനങ്ങളുടെ വിലയിരുത്തൽ, വരും വർഷ പദ്ധതി രേഖകളിന്മേലുള്ള ചർച്ചകൾ, നയ സമീപന രേഖയുടെ വിലയിരുത്തൽ എന്നിവ പ്രധാന അജൻഡയാണ്
തിരൂർ | കേരള മുസ്ലിം ജമാഅത്തിന്റെ സംസ്ഥാന കൗൺസിലിന് തുടക്കമായി. യൂനിറ്റ് മുതൽ ജില്ലാതലം വരെയുള്ള വാർഷിക കൗൺസിൽ പൂർത്തീകരിച്ച ശേഷമാണ് രണ്ട് ദിവസങ്ങളിലായി തിരൂർ കൂട്ടായി സീ സോൺ റിസോർട്ടിൽ പരിപാടി നടക്കുന്നത്.
നീലഗിരി ഉൾപ്പെടെ 15 ജില്ലകളിലെ പ്രധാന ഭാരവാഹികളും തിരഞ്ഞെടുക്കപ്പെട്ടവരും സമസ്ത കേന്ദ്ര മുശാവറ അംഗങ്ങളും മറ്റ് കീഴ്ഘടക ഭാരവാഹികളുമടങ്ങുന്ന കൗൺസിൽ വരുന്ന വർഷത്തെ പദ്ധതികൾക്ക് രൂപം നൽകും.
കഴിഞ്ഞകാല പദ്ധതി പ്രവർത്തനങ്ങളുടെ അവലോകനം, ഘടക പ്രവർത്തനങ്ങളുടെ വിലയിരുത്തൽ, വരും വർഷ പദ്ധതി രേഖകളിന്മേലുള്ള ചർച്ചകൾ, നയ സമീപന രേഖയുടെ വിലയിരുത്തൽ എന്നിവ പ്രധാന അജൻഡയാണ്. കൗൺസിലിൽ പങ്കെടുക്കുന്നവർക്കായി വിപുലമായ സൗകര്യങ്ങൾ ഒരുക്കിയിട്ടുണ്ട്.
കേരള മുസ്ലിം ജമാഅത്ത് സംസ്ഥാന ഉപാധ്യക്ഷൻ കട്ടിപ്പാറ അഹ്്മദ് കുട്ടി മുസ്‌ലിയാർ പതാക ഉയർത്തിയതോടെയാണ് കൗൺസിലിന് തുടക്കമായത്. തുടർന്ന് നടന്ന ചർച്ചകൾക്കും പരിപാടികൾക്കും സംസ്ഥാന നേതാക്കൾ നേതൃത്വം നൽകി.
പൊന്മള അബ്ദുൽ ഖാദിർ മുസ്‌ലിയാർ, വി പി എം ഫൈസി വില്യാപ്പള്ളി, പേരോട് അബ്ദുർറഹ്മാൻ സഖാഫി, വണ്ടൂർ അബ്ദുർറഹ്മാൻ ഫൈസി, സി മുഹമ്മദ് ഫൈസി, എൻ അലി അബ്ദുല്ല, മജീദ് കക്കാട് തുടങ്ങിയവർ വിവിധ സെഷനുകൾക്ക് നേതൃത്വം നൽകും.
Latest
കെട്ടുകാഴ്ച നിര്‍മാണത്തിനിടെ വീണ് പരുക്കേറ്റ് തൊഴിലാളി മരിച്ചു
സിദ്ധാര്‍ഥിന്റെ മരണം: ഡീന്‍ ഡോ.എം കെ നാരായണന് തരം താഴ്ത്തലോടുകൂടിയ സ്ഥലംമാറ്റം;അസിസ്റ്റന്റ് വാര്‍ഡനെതിരേയും നടപടി
ആഗോള അയ്യപ്പ സംഗമം സമ്പൂര്‍ണ്ണ പരാജയം; ഭക്തജനങ്ങള്‍ സംഗമത്തെ തള്ളി: രമേശ് ചെന്നിത്തല
വയനാട് ചൂരല്‍മല ദുരന്തം; കേരള മുസ്ലിം ജമാഅത്ത് സഹായ ധനം കൈമാറുന്നു
റാന്നിയില്‍ കാറുകള്‍ കൂട്ടിയിടിച്ച് അപകടം; ഒരു മരണം, രണ്ട് പേര്‍ക്ക് പരുക്ക്
സൈബര്‍ ആക്രമണം;ഹീത്രോ, ബ്രസ്സല്‍സ് ഉള്‍പ്പെടെയുള്ള യൂറോപ്യന്‍ വിമാനത്താവളങ്ങളുടെ പ്രവര്‍ത്തങ്ങള്‍ തടസ്സപ്പെട്ടു
