International
സൈനിക കരാറില് നിന്ന് പിന്മാറി ഇറ്റലി; ഇറാനെതിരായ ആക്രമണത്തില് ഇസ്റാഈലിന് കനത്ത തിരിച്ചടി
മാര്പാപ്പക്കെതിരെ യു എസ് പ്രസിഡന്റ് ട്രംപ് നടത്തുന്ന പ്രതിലോമ വാക്ശരങ്ങളില് പ്രതിഷേധിച്ചു കൂടിയാണ് ഇറ്റാലിയന് പ്രധാനമന്ത്രി ജോര്ജിയ മെലോനിയുടെ പ്രഖ്യാപനം.
റോം | പശ്ചിമേഷ്യന് യുദ്ധവുമായി ബന്ധപ്പെട്ട വിഷയത്തില് ഇസ്റാഈലിന് കനത്ത തിരിച്ചടി നല്കി ഇറ്റലിയുടെ നടപടി. ഇസ്റാഈലുമായുള്ള സൈനിക കരാറുകളില് നിന്ന് പിന്മാറുന്നതായി ഇറ്റാലിയന് പ്രധാനമന്ത്രി ജോര്ജിയ മെലോനി പ്രഖ്യാപിച്ചു. ഇറാനെതിരെ ഇസ്റാഈല് നടത്തുന്ന ആക്രമണത്തിലും ലിയോ പതിനാലാമന് മാര്പാപ്പക്കെതിരെ യു എസ് പ്രസിഡന്റ് ഡൊണാള്ഡ് ട്രംപിന്റെ പ്രതിലോമ വാക്ശരങ്ങളിലും പ്രതിഷേധിച്ചാണിത്.
വെറോണയിലെ ഒരു ചടങ്ങിലായിരുന്നു മെലോനിയുടെ നിര്ണായക പ്രഖ്യാപനം. ‘നിലവിലെ സാഹചര്യത്തിന്റെ വെളിച്ചത്തില്, ഇസ്റാഈലുമായുള്ള സൈനിക കരാറുകള് റദ്ദാക്കാന് തീരുമാനിക്കുകയാണ്.’- മെലോനി റിപോര്ട്ടര്മാരോട് പറഞ്ഞു. ഇറ്റലിയുടെ തീരുമാനം പ്രതിരോധ മന്ത്രി ഗൈഡോ ക്രോസെറ്റോ ഇസ്റാഈല് പ്രതിരോധമന്ത്രി ഇസ്റായേല് കാറ്റ്സിനെ കത്തിലൂടെ അറിയിച്ചു.
2003ല് മാറ്റ്യോ സാല്വിനി പ്രധാനമന്ത്രിയായിരുന്ന കാലത്താണ് ഇരു രാഷ്ട്രങ്ങളും തമ്മില് പ്രതിരോധ കരാറില് ഒപ്പിട്ടത്. സൈനികോപകരണ കൈമാറ്റം, സംയുക്ത സൈനികാഭ്യാസം, പ്രതിരോധ മേഖലയിലെ ഗവേഷണം, വികസനം എന്നിവയുള്പ്പെടെയുള്ള ഉഭയകക്ഷി സഹകരണമാണ് കരാറിലൂടെ ലക്ഷ്യമിട്ടിരുന്നത്. ഓരോ അഞ്ച് വര്ഷം കൂടുമ്പോഴും താനേ പുതുക്കപ്പെടുന്ന തരത്തിലായിരുന്നു കരാര്. ഇതുപ്രകാരം ഈമാസം 13ന് കാരാര് പുതുക്കേണ്ടതായിരുന്നു.
Latest
ട്രംപ് ഫോണില് വിളിച്ചു; ഹോര്മുസും സുരക്ഷയും ചര്ച്ചയായതായി മോദി
ലിസ് മാത്യുവിനേയും എ കെ പ്രീതയേയും കേരള ഹൈക്കോടതി ജഡ്ജിമാരാക്കാന് സുപ്രീം കോടതി കൊളീജിയം ശിപാര്ശ
പാര്ട്ടി വിരുദ്ധ പ്രവര്ത്തനം; ഹസീന സയ്യിദിനെ ആറ് വര്ഷത്തേക്ക് പുറത്താക്കി കോണ്ഗ്രസ്
തെക്കന് സംസ്ഥാനങ്ങളുടെ താല്പര്യങ്ങള്ക്ക് വിരുദ്ധമായ കേന്ദ്ര നീക്കത്തിനെതിരെ ഒന്നിച്ച് നില്ക്കണം; മുഖ്യമന്ത്രി പിണറായി വിജയന്റെ പിന്തുണ തേടി രേവന്ത് റെഡ്ഡി
കര്ണാടകയില് കാറില് ടിപ്പര് ലോറിയിടിച്ചുണ്ടായ അപകടത്തില് മൂന്ന് മലയാളികള് മരിച്ചു; ഒമ്പത് വയസുകാരന് ഗുരുതരാവസ്ഥയില്
കുവൈത്തില് കുടുങ്ങിയ ശ്വേതക്ക് ആശ്വാസം; വിവാഹ ദിവസത്തിന് മുമ്പായി നാട്ടിലേക്ക് മടങ്ങാം
