Kerala
ഇറാന്-ഇസ്റാഈല് സംഘര്ഷം: ലോക കേരള സഭാ പ്രതിനിധികളുടെ ഓണ്ലൈന് യോഗം വിളിച്ച് മുഖ്യമന്ത്രി
നാളെ (മാര്ച്ച് മൂന്ന്, ചൊവ്വ) ഇന്ത്യന് സമയം രാത്രി ആറിനാണ് യോഗം.
തിരുവനന്തപുരം | ഇറാന്-ഇസ്റാഈല് സംഘര്ഷത്തെ തുടര്ന്ന് പശ്ചിമേഷ്യന് മേഖലയില് അശാന്തി തുടരുന്ന സാഹചര്യത്തില്, ഗള്ഫ് രാജ്യങ്ങളിലെ ലോക കേരള സഭാ പ്രതിനിധികളുടെ ഓണ്ലൈന് യോഗം മുഖ്യമന്ത്രി പിണറായി വിജയന് വിളിച്ചുചേര്ത്തു. നാളെ (മാര്ച്ച് മൂന്ന്, ചൊവ്വ) ഇന്ത്യന് സമയം രാത്രി ആറിനാണ് യോഗം നടക്കുന്നത്.
മേഖലയിലെ നിലവിലെ സ്ഥിതിഗതികള് വിലയിരുത്തുന്നതിനും പ്രവാസി മലയാളികളുടെ സുരക്ഷ ഉറപ്പാക്കുന്നതിനുമായുള്ള നടപടികള് ചര്ച്ച ചെയ്യുന്നതിനാണ് അടിയന്തര യോഗം വിളിച്ചത്. യുദ്ധസമാനമായ അന്തരീക്ഷത്തില് ഗള്ഫ് നാടുകളില് കഴിയുന്ന മലയാളികള് നേരിടുന്ന വെല്ലുവിളികളും ആശങ്കകളും പ്രതിനിധികള് മുഖ്യമന്ത്രിയെ ധരിപ്പിക്കും. അതോടൊപ്പം അടിയന്തര സാഹചര്യമുണ്ടായാല് സ്വീകരിക്കേണ്ട മുന്കരുതലുകളെക്കുറിച്ചും യോഗം ആലോചിക്കും.
ലോക കേരള സഭയിലെ എല്ലാ ഗള്ഫ് പ്രതിനിധികളും നിശ്ചിത സമയത്ത് തന്നെ ഓണ്ലൈനായി യോഗത്തില് പങ്കുചേരണമെന്ന് മുഖ്യമന്ത്രിയുടെ ഓഫീസ് നിര്ദേശിച്ചു.
Latest
2014ന് മുമ്പ് കുടിയേറിയവര്ക്ക് പട്ടയം നല്കും
കോണ്ഗ്രസ്സ് സ്ഥാനാര്ഥിയാകുമെന്ന വാര്ത്തകള്ക്കിടെ ഉമ്മന് ചാണ്ടിയുടെ കല്ലറ സന്ദര്ശിച്ച് രമേഷ് പിഷാരടി
ഇറാന്-ഇസ്റാഈല് സംഘര്ഷം: ലോക കേരള സഭാ പ്രതിനിധികളുടെ ഓണ്ലൈന് യോഗം വിളിച്ച് മുഖ്യമന്ത്രി
ഹോര്മുസ് കടലിടുക്കിനുള്ളില് കുടുങ്ങിക്കിടക്കുന്നത് നൂറിലധികം കണ്ടെയ്നര് കപ്പലുകളും 450 എണ്ണ ടാങ്കറുകളും
ഖത്തർ ഗ്യാസ് ഉത്പാദനം നിർത്തി; ഇന്ത്യയിൽ പാചക വാതക വില ഉയരുമോ?
ഖത്തർ എനർജി എൽ എൻ ജി ഉൽപ്പാദനം നിർത്തി; യൂറോപ്പിൽ ഗ്യാസ് വില 50 ശതമാനം വർധിച്ചു
