job scam
തൊഴില്‍ വാഗ്ദാനം ചെയ്ത് തട്ടിപ്പ്; യുവാവ് പിടിയില്‍
തുടര്‍ന്ന് നടത്തിയ അന്വേഷണത്തിലാണ് സാബു വര്‍ഗീസ് വലയിലായത്.
തിരുവല്ല | വിദേശത്ത് ജോലി വാഗ്ദാനം ചെയ്ത് നിരവധി പേരില്‍ നിന്ന് ലക്ഷങ്ങള്‍ തട്ടിയ വളഞ്ഞവട്ടം സ്വദേശി പുളിക്കീഴ് പോലീസിന്റെ പിടിയിലായി. കടപ്ര വളഞ്ഞവട്ടം ഊട്ടുപറമ്പില്‍ വീട്ടില്‍ സാബു വര്‍ഗീസ് (45) ആണ് പിടിയിലായത്. സഊദി അറേബ്യയില്‍ ജോലി വാഗ്ദാനം ചെയ്ത് ഒരു ലക്ഷം രൂപ തട്ടിയെടുത്തതായി കടപ്ര സ്വദേശി അലക്‌സ് സി സാമുവല്‍ നല്‍കിയ പരാതിയില്‍ പന്തളത്തു നിന്നും ആണ് പുളിക്കിഴ് എസ് ഐ ജെ ഷെജീമിന്റെ നേതൃത്വത്തിലുള്ള സംഘം പ്രതിയെ പിടികൂടിയത്.
വിദേശ ജോലിക്കായി പണം നല്‍കിയവര്‍ ഫോണില്‍ ബന്ധപ്പെടുമ്പോള്‍ ഡല്‍ഹിയിലാണ് എന്ന മറുപടിയാണ് സാബു വര്‍ഗീസ് നല്‍കിയിരുന്നത്. സൈബര്‍ സെല്ലിന്റെ സഹായത്തോടെ മൊബൈല്‍ നമ്പര്‍ കേന്ദ്രീകരിച്ച് നടത്തിയ പരിശോധനയില്‍ ആണ് പ്രതി പന്തളത്ത് ഉള്ളതായി പോലീസ് മനസ്സിലാക്കിയത്. തുടര്‍ന്ന് നടത്തിയ അന്വേഷണത്തിലാണ് സാബു വര്‍ഗീസ് വലയിലായത്.
പിടിയിലായ സാബു വര്‍ഗീസ് നിരവധി പേരില്‍ നിന്നും ജോലി വാഗ്ദാനം ചെയ്ത് പണം തട്ടിയതായാണ് ചോദ്യം ചെയ്യലില്‍ നിന്നും വ്യക്തമായതെന്ന് പോലീസ് പറഞ്ഞു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
Latest
സഞ്ജുവിന്റെ പോരാട്ടവും വിഫലമായി; ഡല്‍ഹിയോട് 20 റണ്‍സിന് പരാജയപ്പെട്ട് രാജസ്ഥാന്‍
എന്‍സിഇആര്‍ടി പാഠപുസ്തകങ്ങള്‍ വ്യാജമായി അച്ചടിച്ചു; കൊച്ചിയിലെ രണ്ട് സ്ഥാപനങ്ങള്‍ക്കെതിരെ കേസ്
ആഗോള നിക്ഷേപ സമ്മേളനത്തിന് അബൂദബി പ്രദര്‍ശന നഗരിയില്‍ തുടക്കമായി
മുക്കുപണ്ടം പണയം വെച്ച് തട്ടിപ്പ് നടത്തിയ കേസില്‍ പ്രതി അറസ്റ്റില്‍
ഉപഭോക്താക്കളെ തെറ്റിദ്ധരിപ്പിക്കുന്ന പരസ്യങ്ങള്‍; സെലിബ്രിറ്റികള്‍ക്കും ഉത്തരവാദിത്വമെന്ന് സുപ്രീം കോടതി
വേനലാണ്, വിട്ടുമാറാത്ത ചൊറിച്ചിലും: പ്രതിവിധികൾ ഇവിടെയുണ്ട്
