Kerala
ആലപ്പുഴ ചീഫ് മജിസ്ട്രേട്ട് കോടതിയില് ബോംബ് ഭീഷണി
മെയിലില് ഡി എം കെയെക്കുറിച്ചും തമിഴ്നാട് മുഖ്യമന്ത്രി സ്റ്റാലിനെക്കുറിച്ചും പരാമര്ശിച്ചിരുന്നു.
ആലപ്പുഴ| ആലപ്പുഴ ചീഫ് മജിസ്ട്രേട്ട് കോടതിയില് ബോംബ് ഭീഷണി. തിങ്കള് രാവിലെ പത്തരയോടെ കോടതിയുടെ ഔദ്യോഗിക ഇമെയില് വഴിയാണ് ഭീഷണി സന്ദേശം എത്തിയത്. തിങ്കളാഴ്ച രാവിലെ കോടതിയില് സയനൈഡ് ബോംബ് പൊട്ടുമെന്നും ആളുകള് എത്രയും വേഗം രക്ഷപ്പെടണം എന്നായിരുന്നു സന്ദേശം. മെയിലില് ഡിഎംകെയെക്കുറിച്ചും തമിഴ്നാട് മുഖ്യമന്ത്രി സ്റ്റാലിനെക്കുറിച്ചും പരാമര്ശിച്ചിരുന്നു. മുല്ലപ്പെരിയാര് ഡാമില് 12 ആര്ഡിഎക്സ് ബോംബുകള് പൊട്ടുമെന്നും സന്ദേശത്തിലുണ്ടായിരുന്നു.
ജഡ്ജിയുടെ ചേംബറില് കോടതി നടപടികള് ആരംഭിക്കാനിരിക്കെയായിരുന്നു സംഭവം. തുടര്ന്ന് പോലീസും ബോംബ് സ്ക്വാഡും സ്ഥലത്തെത്തി. ജഡ്ജിയുടെ ചേംബറിലും കോടതി മുറിയിലും പരിസരപ്രദേശങ്ങളിലും തിരച്ചില് നടത്തിയെങ്കിലും അസ്വാഭാവികമായി ഒന്നും കണ്ടെത്താന് കഴിഞ്ഞില്ല. ഒരു മണിക്കൂറോളം വൈകിയാണ് കോടതി നടപടികള് ആരംഭിച്ചത്. ഇമെയില് ഉറവിടം സംബന്ധിച്ചു പോലീസ് അന്വേഷണം ആരംഭിച്ചു.
Latest
പ്ലസ് വണ് സീറ്റുകള് വര്ധിപ്പിച്ചു; അധിക ബാച്ചും അനുവദിച്ചു
പരസ്യ ബോര്ഡ് സ്ഥാപിക്കുന്നതിനിടെ യുവാവ് ഷോക്കേറ്റ് മരിച്ചു
എസ് എഫ് ഐ ആഹ്ലാദപ്രകടനത്തിനിടെ സംഘര്ഷം; പോലീസ് ലാത്തിവീശി, കണ്ണീര്വാതകം പ്രയോഗിച്ചു
കുവൈത്തില് ശക്തമായ പൊടിക്കാറ്റ്; കാഴ്ചാപരിധി ഗണ്യമായി കുറഞ്ഞു
പത്തനംതിട്ട ജില്ലാ കലക്ടറായി എ നിസാമുദ്ദീന് ചുമതലയേറ്റു
ആലപ്പുഴയില് വന് മയക്കുമരുന്ന് വേട്ട; രാസലഹരിയുമായി യുവാക്കള് പിടിയില്
