afc cup
എ എഫ് സി കപ്പ്: മോഹന്‍ ബഗാനെ തകര്‍ത്ത് ഗോകുലം
രണ്ടിനെതിരെ നാല് ഗോളുകള്‍ക്ക് കരുത്തരായ എ ടി കെ മോഹന്‍ബഗാനിനെയാണ് ഗോകുലം തകര്‍ത്തത്.
കൊല്‍ക്കത്ത | എ എഫ് സി കപ്പിലെ ആദ്യ മത്സരത്തില്‍ തന്നെ തകര്‍പ്പന്‍ ജയവുമായി ഗോകുലം കേരള എഫ് സി. രണ്ടിനെതിരെ നാല് ഗോളുകള്‍ക്ക് കരുത്തരായ എ ടി കെ മോഹന്‍ബഗാനിനെയാണ് ഗോകുലം തകര്‍ത്തത്. ലൂക ഇരട്ട ഗോളുകള്‍ നേടി. ആദ്യ പകുതി ഗോള്‍രഹിത സമനിലയില്‍ പിരിഞ്ഞെങ്കിലും രണ്ടാം പകുതിയില്‍ ആറ് ഗോളുകളാണ് മൊത്തം പിറന്നത്.
അമ്പതാം മിനുട്ടില്‍ ഗോകുലത്തിന്റെ ലൂക മജ്‌സെന്‍ ആണ് ഗോള്‍വേട്ടക്ക് തുടക്കം കുറിച്ചത്. എന്നാല്‍ മൂന്ന് മിനുട്ടിനകം എ ടി കെയുടെ പ്രീതം ഗോളടിച്ച് സമനില നേടി. അധികം വൈകാതെ 57ാം മിനുട്ടില്‍ റിശാദിലൂടെ ഗോകുലം ലീഡ് നേടി. 65ാം മിനുട്ടില്‍ മറ്റൊരു ഗോളിലൂടെ ലൂക ലീഡ് ഉയര്‍ത്തി.
80ാം മിനുട്ടില്‍ ലിസ്റ്റണ്‍ എ ടി കെയുടെ രണ്ടാം ഗോള്‍ നേടി. 89ാം മിനുട്ടില്‍ ജിതിന്‍ ഗോകുലത്തിന്റെ നാലാം ഗോള്‍ നേടി വിജയം അരക്കിട്ടുറപ്പിക്കുകയായിരുന്നു.
Latest
കോട്ട തിരിച്ചുപിടിക്കാൻ യാദവ കുടുംബം ഒറ്റക്കെട്ട്
റെഡ്ഢിമാരും റാവുമാരും ഉഴുതുമറിച്ച തെലുങ്ക് മണ്ണ്
ആറ്റിങ്ങല്: ത്രികോണ തരംഗം
ധ്രുവ് റാഠി എന്ന മാധ്യമ പ്രതിപക്ഷം
ഇ വി എമ്മിന്റെ വിശ്വാസ്യത വോട്ടര്മാര്ക്കും ബോധ്യപ്പെടണം
മണ്ണു നീക്കുന്നതിനിടെ സ്റ്റീല് ബോംബ് കണ്ടെയ്നര് കണ്ടെത്തി
