പി സി ചാക്കോ ഉന്നയിച്ച കാര്യങ്ങള്‍ ഗൗരവതരം; പാര്‍ട്ടി പരിഗണിക്കണം: പിജെ കുര്യന്‍

തിരുവനന്തപുരം |  കോണ്‍ഗ്രസ് ഇപ്പോള്‍ ഗ്രൂപ്പുകളെന്ന പിസി ചാക്കോയുടെ വിമര്‍ശത്തെ ശരിവെച്ച് കോണ്‍ഗ്രസ് നേതാവ് പി ജെ കുര്യനും. പി സി ചാക്കോ ഉയര്‍ത്തിയ കാര്യങ്ങള്‍ ഗൗരവകരമാണ്. തീരുമാനങ്ങളെടുക്കുന്നത് ഗ്രൂപ്പ് നേതാക്കളാണെന്നും പി ജെ കുര്യന്‍ ആരോപിച്ചു.

അതേ സമയം പി സി ചാക്കോ രാജിവെക്കാന്‍ പാടില്ലായിരുന്നുവെന്നും പിജെ കുര്യന്‍ അഭിപ്രായപ്പെട്ടു. ചാക്കോ രാജി വച്ചതില്‍ ദു:ഖമുണ്ടെന്നും അദ്ദേഹം ഉന്നയിച്ച കാര്യങ്ങള്‍ പാര്‍ട്ടി പരിഗണിക്കണമെന്നും പി ജെ കുര്യന്‍ ഒരു മാധ്യമത്തോട് പറഞ്ഞു. സ്ഥാനാര്‍ത്ഥി നിര്‍ണയവും തെറ്റായ രീതിയിലാണ്. പത്തനംതിട്ട ജില്ലയിലടക്കം ചര്‍ച്ചകള്‍ നടത്താതെയാണ് സ്ഥാനാര്‍ത്ഥികളുടെ പേരുകള്‍ സംസ്ഥാന കമ്മിറ്റിക്ക് അയച്ചതെന്നും പിജെ കുര്യന്‍ കുറ്റപ്പെടുത്തി