തിരുവനന്തപുരത്തെ തീരദേശ സോണുകളില്‍ കൂടുതല്‍ ഇളവുകള്‍; ആലുവയിലും രോഗവ്യാപനത്തില്‍ കുറവ്

തിരുവനന്തപുരം  |തിരുവനന്തപുരത്ത് തീരദേശ സോണുകളില്‍ രോഗവ്യാപനം കുറയുന്ന സാഹചര്യത്തില്‍ കൂടുതല്‍ ഇളവുകള്‍ പ്രഖ്യാപിച്ചു. അവശ്യ ഭക്ഷ്യ വസ്തുക്കള്‍ വില്‍ക്കുന്ന എല്ലാ കടകളും രാവിലെ 7 മുതല്‍ വൈകിട്ട് 3 വരെ പ്രവര്‍ത്തിക്കാമെന്ന് മുഖ്യമന്ത്രി വാര്‍ത്ത സമ്മേളനത്തില്‍ പറഞ്ഞു.

എറണാകുളം ജില്ലയിലെ പ്രധാന ക്ലസ്റ്ററായിരുന്ന ആലുവയില്‍ കൊവിഡ് വ്യാപനം കുറയുന്നു. പശ്ചിമ കൊച്ചി മേഖലയില്‍ ആശങ്ക തുടരുന്നു. ഒരു ഇടവേളയ്ക്കു ശേഷം ചെല്ലാനം മേഖലയിലും കൂടുതല്‍ കേസുകള്‍ റിപ്പോര്‍ട്ട് ചെയ്യുന്നു. ഉരുള്‍പ്പൊട്ടല്‍ ഉണ്ടായ മേപ്പാടിയില്‍ രക്ഷാപ്രവര്‍ത്തനത്തില്‍ പങ്കെടുത്തവരില്‍ ഒരാള്‍ക്ക് കൊവിഡ് സ്ഥിരീകരിച്ചു. അതിനെ തുടര്‍ന്ന് രക്ഷാപ്രവര്‍ത്തനത്തില്‍ പങ്കെടുത്ത എല്ലാവരോടും ക്വാറന്റീനില്‍ പോകാന്‍ നിര്‍ദേശിച്ചു