മഹീന്ദ്ര ഥാർ ഉടൻ വിപണിയിലെത്തും

മുംബൈ | ലോക്ക്ഡൗണിന് ശേഷം ആദ്യമായി പുറത്തിറക്കുന്നത് ഥാർ എസ്‌ യു വിയുടെ പരിഷ്കരിച്ച പതിപ്പായിരിക്കുമെന്ന് മഹീന്ദ്ര ആൻഡ് മഹീന്ദ്ര സ്ഥിരീകരിച്ചു.

നേരത്തേ, ഏപ്രിലോടെ ഷോറൂമുകളിൽ എത്തിക്കാനായിരുന്നു കമ്പനി ഉദ്ദേശിച്ചത്. അതിനിടയിലാണ് കൊവിഡ് വ്യാപനവും ലോക്ക്ഡൗണും വന്നത്.

പുതുക്കിയ ഷെഡ്യൂൾ പ്രകാരം ഈ വർഷം ഒക്ടോബർ ആദ്യം തന്നെ ഥാർ ഷോറൂമുകളിൽ എത്തുമെന്നാണ് മഹീന്ദ്ര ആൻഡ് മഹീന്ദ്ര മാനേജിംഗ് ഡയറക്ടർ ഡോ. പവൻ ഗോയങ്കയെ ഉദ്ധരിച്ച് മാധ്യമങ്ങൾ റിപ്പോർട്ട് ചെയ്യുന്നത്. വാഹനം വിപണിയിലെത്തുന്നതിന് മുന്നോടിയായി രാജ്യമെങ്ങും ബുക്കിംഗ് ഉടൻ ആരംഭിക്കുമെന്നും കന്പനി വൃത്തങ്ങൾ അറിയിച്ചു.