National
യെച്ചൂരിയെ വീണ്ടും സി പി എം രാജ്യസഭയിലേക്കയക്കില്ല
ന്യൂഡല്‍ഹി | ജനറല്‍ സെക്രട്ടറി സീതാറാം യെച്ചൂരിയെ വീണ്ടും രാജ്യസഭയിലേക്ക് അയക്കണമെന്ന സി പി എം ബംഗാള്‍ ഘടകത്തിന്റെ ആവശ്യം പോളിറ്റ്ബ്യൂറോ തള്ളിയതായി റിപ്പോര്‍ട്ട്. രാജ്യസഭയില്‍ രണ്ട് തവണ പൂര്‍ത്തിയാക്കിവരെ വീണ്ടും പരിഗണിക്കേണ്ടതില്ലെന്ന മുന്‍നിലപാടില്‍ ഉറച്ച് നില്‍ക്കാന്‍ മാര്‍ച്ച് ആറിന് ചേര്‍ന്ന അവൈലബിള്‍ പി ബി യോഗത്തില്‍ തീരുമാനമായതായി ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നു.
മാര്‍ച്ച് 26നാണ് ബംഗാളില്‍ രാജ്യസഭാ തിരഞ്ഞെടുപ്പ്. ഋതബൃതാ ബന്ധോപാധ്യായയെ സി പി എം പാര്‍ട്ടിയില്‍ നിന്ന് പുറത്താക്കിയതിനെ തുടര്‍ന്ന് ഒഴിവുവന്ന സീറ്റിലേക്ക് തിരഞ്ഞെടുപ്പ്. ബംഗാളില്‍ സി പി എമ്മിനുള്ള ഏക സീറ്റായിരുന്നു ഇത്. നിലവിലെ സാഹചര്യത്തില്‍ സി പി എമ്മിന് ഒറ്റക്ക് ഒരാളെ ജയിപ്പിക്കാനുള്ള ശേഷിയില്ല. ഇടതുപാര്‍ട്ടികള്‍ക്ക് 28 എം എല്‍ എമാരാണുള്ളത്. രാജ്യസഭാ സീറ്റില്‍ ജയിക്കണമെങ്കില്‍ 46 പേരുടെ പിന്തുണ വേണം. കോണ്‍ഗ്രസിന്റെ പിന്തുണയുണ്ടെങ്കില്‍ മാത്രമേ സി പി എമ്മിന്റെ സ്ഥാനാര്‍ഥിക്ക് ജയിക്കാനാകൂവെന്നതാണ് വസ്തുത.
തമിഴ്‌നാട്ടില്‍ നിന്നുള്ള എം പിയായ ടി കെ രംഗരാജന്റെ കാലാവധി ഈ ഏപ്രിലില്‍ അവസാനിക്കുന്നതോടെ രാജ്യസഭയിലെ സി പി എം അംഗങ്ങളുടെ എണ്ണം നാലായി ചുരുങ്ങും. ഒരു രാഷ്ട്രീയപാര്‍ട്ടിക്ക് അഞ്ചില്‍ കുറവ് പ്രതിനിധികളാണെങ്കില്‍ അവര്‍ക്ക് രാജ്യസഭയില്‍ ചര്‍ച്ചക്കായി ലഭിക്കുന്ന സമയം വളരെ കുറയും.
Latest
കൊല്ലം ഒരു വികാരമാണ് ,വിജയം സുനിശ്ചിതം ; എം മുകേഷ്
വയനാട്ടില്‍ വോട്ട് പിടിക്കാന്‍ വീണ്ടും ഭക്ഷ്യക്കിറ്റ് ; ബിജെപി പ്രാദേശിക നേതാവിന്റെ വീട്ടില്‍ നിന്ന് ഭക്ഷ്യക്കിറ്റ് പിടികൂടി
ഹൈദരാബാദിലെ ബിജെപി സ്ഥാനാര്‍ഥി കൊമ്പല്ല മാധവി ലതക്ക് 221.37 കോടിയുടെ ആസ്ഥി
ബാറില്‍ ഭീകരാന്തരീക്ഷം സൃഷ്ടിച്ച പ്രതികളെ കസ്റ്റഡിയില്‍ എടുക്കാനെത്തിയ പോലീസിനു നേരെ ആക്രണം; യുവാക്കള്‍ അറസ്റ്റില്‍
പാലക്കാട് ജില്ലയില്‍ ഉഷ്ണതരംഗ മുന്നറിയിപ്പ് നല്‍കി കേന്ദ്ര കാലാവസ്ഥ വകുപ്പ്
പ്രധാനമന്ത്രിയുടെ വിദ്വേഷ പ്രസംഗത്തെ വിമര്‍ശിച്ച ബി.ജെ.പി ന്യൂനപക്ഷമോര്‍ച്ച നേതാവിനെ പുറത്താക്കി
