Saudi Arabia
പത്മരാജന് സ്മാരക പ്രവാസ മുദ്ര പുരസ്കാരം സംവിധായകന് സലീം അഹമ്മദിന്
ദമാം | മനുഷ്യന്റ വൈവിധ്യ ജീവിതാവസ്ഥകളെ മലയാള സാഹിത്യത്തിലേക്കും, അഭ്രപാളികളിലേക്കും സന്നിവേശിപ്പിച്ച സാഹിത്യകാരനും സംവിധായകനുമായ പി പത്മരാജെന്റ പേരില് ഏര്പ്പെടുത്തിയ ചലച്ചിത്ര പ്രതിഭകള്ക്ക് സൗദി മലയാളി സമാജം ഏര്പ്പെടുത്തിയ പ്രഥമ പ്രവാസ മുദ്ര പുരസ്കാരം സംവിധായകന് സലീം അഹമ്മദിന്
സിനിമാ പ്രവര്ത്തകരായ വിനീഷ് മില്ലേനിയം, നിസാര് റൂമി, അനില് മുഹമ്മദ് എന്നിവരടങ്ങുന്ന ജൂറിയാണ് സലീം അഹമ്മദിനെ തെരഞ്ഞെടുത്ത്. ഫെബ്രുവരി 14 ന് ദമ്മാമില് നടക്കുന്ന ചടങ്ങില് അവാര്ഡ് സമ്മാനിക്കുമെന്ന് സഊദി മലയാളി സമാജം ഭാരവാഹികള് വാര്ത്താകുറിപ്പില് അറിയിച്ചു. 50,000 രൂപയും, ഫലകവും, പ്രശസ്തി പത്രവും അടങ്ങുന്നതാണ് അവാര്ഡ്.
കഴിഞ്ഞ വര്ഷം മാനവ നന്മ പ്രചരിപ്പിക്കുന്ന രചനകളെ മുന്നിര്ത്തി രാമനുണ്ണിക്ക് സദ്ഭാവനാ അവാര്ഡ് സമ്മാനിച്ചിരുന്നു.
---- facebook comment plugin here -----