Ongoing News
റമസാന്‍ മാസത്തില്‍ വോട്ടെടുപ്പ്; പ്രതിഷേധവുമായി തൃണമൂല്‍
ഫിര്‍ഹാദ് ഹക്കീം
കൊല്‍ക്കത്ത: തിരഞ്ഞെടുപ്പ് റമസാന്‍
മാസത്തില്‍ വച്ചതിനെതിരെ പ്രതിഷേധവുമായി തൃണമൂല്‍ കോണ്‍ഗ്രസ്. രാജ്യത്തെ ന്യൂനപക്ഷങ്ങള്‍ സമ്മതിദാനാവകാശം വിനിയോഗിക്കില്ലെന്ന് ഉറപ്പുവരുത്താനാണ് ഇങ്ങനെയൊരു തീരുമാനമെടുത്തതെന്ന് പാര്‍ട്ടി ആരോപിച്ചു.
പശ്ചിമ ബംഗാളിലെ മാല്‍ഡയില്‍ 52 ഉം മുര്‍ഷിദാബാദില്‍ 66 ഉം ശതമാനം മുസ്‌ലിം വോട്ടുകളുണ്ട്. റമസാന്‍
ദിനങ്ങളില്‍ വോട്ടെടുപ്പ് നടത്തുന്ന സാഹചര്യം മുസലിങ്ങള്‍ക്ക് പ്രയാസമുണ്ടാക്കുമെന്നും തിരഞ്ഞെടുപ്പു കമ്മീഷന്‍ ഇക്കാര്യങ്ങള്‍ പരിഗണിക്കണമെന്നും തൃണമൂല്‍ കോണ്‍ഗ്രസ് നേതാവും കൊല്‍ക്കത്ത മുന്‍സിപ്പല്‍ കോര്‍പറേഷന്‍ മേയറുമായ ഫിര്‍ഹാദ് ഹക്കീം പറഞ്ഞു. എന്നാല്‍, ബംഗാളിലെ ജനങ്ങള്‍ മമതാ ബാനര്‍ജിക്കൊപ്പമാണെന്നും അദ്ദേഹം കൂട്ടിച്ചേര്‍ത്തു.
അതേസമയം, റമസാന്‍ മാസത്തില്‍ മുസ്‌ലിങ്ങള്‍ ശീതീകരിച്ച മുറിയിലിരുന്ന വിശ്രമിക്കണമെന്ന് ഇസ്‌ലാം നിയമങ്ങളില്‍ പറയുന്നില്ലെന്നും പ്രതിപക്ഷത്തിന്റെ ഇത്തരം പ്രചാരണങ്ങളില്‍ ജനങ്ങള്‍ വീഴരുതെന്നും ബി ജെ പി ന്യൂനപക്ഷ മോര്‍ച്ച അഖിലേന്ത്യാ സെക്രട്ടറി അര്‍ഷാദ് ആലവും പറഞ്ഞു. റമസാന്‍ മാസത്തിലെ വോട്ടെടുപ്പ് മാറ്റി നിശ്ചയിക്കണമെന്ന് പശ്ചിമ ബംഗാള്‍ കോണ്‍ഗ്രസ് പ്രസിഡന്റ് സോമേന്ദ് മിത്രയും ആവശ്യപ്പെട്ടു.
Latest
പാലക്കാട് ജില്ലയില്‍ ഉഷ്ണതരംഗ മുന്നറിയിപ്പ് നല്‍കി കേന്ദ്ര കാലാവസ്ഥ വകുപ്പ്
പ്രധാനമന്ത്രിയുടെ വിദ്വേഷ പ്രസംഗത്തെ വിമര്‍ശിച്ച ബി.ജെ.പി ന്യൂനപക്ഷമോര്‍ച്ച നേതാവിനെ പുറത്താക്കി
ഉള്ള്യേരിയില്‍ ബോംബ് കണ്ടെത്തിയെന്ന വാര്‍ത്ത;പരിശോധിച്ചപ്പോള്‍ പ്രോട്ടീന്‍ പൗഡര്‍ ടിന്‍
ഡല്‍ഹി ലഫ്റ്റനന്റ് ഗവര്‍ണറുടെ കേരള സന്ദര്‍ശനം; അടിയന്തര നടപടി ആവശ്യപ്പെട്ട് തിരഞ്ഞെടുപ്പ് കമീഷന് പ്രതിപക്ഷ നേതാവിന്റെ പരാതി
വടകരയില്‍ കലാശക്കൊട്ടിനിടെ സ്ഥാനാര്‍ഥിക്കെതിരെ അധിക്ഷേപ മുദ്രാവാക്യം ; എല്‍ഡിഎഫ് പരാതി നല്‍കി
വൈക്കം മഹാദേവക്ഷേത്രക്കുളത്തില്‍ അജ്ഞാത മൃതദേഹം കണ്ടെത്തി
