Kerala
അഭിനന്ദന്റെ മോചനം, സിദ്ദുവിനും ഇറാംന്‍ ഖാനും നന്ദി: ഉമ്മന്‍ ചാണ്ടി
ന്യൂഡല്‍ഹി: പാക് പിടിയിലായിരുന്ന വിംഗ് കമാന്‍ഡര്‍ അഭിനന്ദന്‍ വര്‍ധമാന്റെ തിരിച്ചുവരവില്‍ മുന്‍ ക്രിക്കറ്റ് താരവും കോണ്‍ഗ്രസ് മന്ത്രിയുമായ നവജ്യോത് സിംഗ് സിദ്ദുവിന് നന്ദി പറഞ്ഞ് മുന്‍ മുഖ്യമന്ത്രി ഉമ്മന്‍ ചാണ്ടി. അഭിനന്ദന്റെ തിരിച്ചുവരവിനെ സ്വാഗതം ചെയ്തുള്ള ട്വീറ്റിലാണ് സിദ്ദുവിന് ഉമ്മന്‍ ചാണ്ടി നന്ദി അറിയിച്ചത്. അഭിനന്ദനെ വിട്ടയച്ച പാക്കിസ്ഥാന്‍ പ്രധാനമന്ത്രി ഇംറാന്‍ ഖാനും ഉമ്മന്‍ ചാണ്ടി നന്ദി പറഞ്ഞു. ഇന്ത്യയും പാകിസ്ഥാനും ഇടയില്‍ സമാധാനം പുലരുമെന്നാണ് പ്രതീക്ഷയെന്നും ഉമ്മന്‍ ചാണ്ടി ട്വീറ്റ് ചെയ്തു.
#WelcomeHomeAbhinandan – Thanks to genuine efforts of @sherryontopp and the goodwill gesture from @ImranKhanPTI. Yes, courage is contagious and I hope peace will ensue on both sides of the border. pic.twitter.com/S3g2pC7TvH
— Oommen Chandy (@Oommen_Chandy) March 1, 2019
ഉമ്മന്‍ ചാണ്ടിയുടെ ട്വീറ്റിനു മറുപടിയുമായി സിദ്ദുവും രംഗത്തെത്തി. മുതിര്‍ന്ന നേതാവായ ഉമ്മന്‍ ചാണ്ടിയുടെ വാക്കുകള്‍ തനിക്ക് കൂടുതല്‍ ധൈര്യം പകരുന്നുവെന്ന് സിദ്ദു മറുപടിയായി പറഞ്ഞു. അഭിനന്ദന്റെ മോചനം സാധ്യമാക്കിയത് സിദ്ദുവിന്റെ ഇടപെടല്‍ മൂലമാണെന്ന് ചില കോണ്‍ഗ്രസ് പ്രവര്‍ത്തകര്‍ സാമൂഹിക മാധ്യമങ്ങളില്‍ ഉള്‍പ്പെടെ പ്രചാരണം നടത്തുന്നുണ്ട്. ഇംറാന്‍ ഖാനുമായുള്ള സിദ്ദുവിന്റെ അടുപ്പം ചൂണ്ടിക്കാണിച്ചാണിത്.
ഇന്നലെ വൈകീട്ടോടെ ലാഹോറിലെത്തിച്ച അഭിനന്ദനെ രാത്രി 9.20 ഓടെ വാഗാ അതിര്‍ത്തി വഴിയാണ് ഇന്ത്യക്ക് കൈമാറിയത്. ലാഹോറില്‍ നിന്ന് പാക്കിസ്ഥാന്‍ മെഡിക്കല്‍ പരിശോധനകള്‍ പുര്‍ത്തീകരിച്ചു. പിന്നീട് പാക് സൈന്യം പ്രത്യേക വാഹനത്തില്‍ വാഗാ അര്‍ത്തിയിലെത്തിച്ചാണ് ഇന്ത്യക്ക് കൈമാറിയത്. ഇന്ത്യക്ക് വേണ്ടി വ്യോമ സേനയിലെ മുതിര്‍ന്ന ഉദ്യോഗസ്ഥര്‍ ചേര്‍ന്നാണ് അഭിനന്ദനെ സ്വീകരിച്ചത്.
Latest
ജപ്തി നടക്കുന്നതിനിടെ ആത്മഹത്യാ ശ്രമം; വീട്ടുടമയായ സ്ത്രീ ആശുപത്രിയില്‍
വൈദ്യുതി കുടിശ്ശികയായതോടെ പത്തനംതിട്ട ജില്ലാ വിദ്യാഭ്യാസ ഓഫീസിലെ ഫ്യൂസ് ഊരി കെഎസ്ഇബി
ദുബൈ വിമാനങ്ങൾ റദ്ദാക്കി എയർ ഇന്ത്യ
ഭരണഘടന ഭീഷണി നേരിടുന്ന കാലത്തെ അസാധാരണ തിരഞ്ഞെടുപ്പാണ് നടക്കാന്‍ പോകുന്നതെന്ന് ബൃന്ദ കാരാട്ട്
ലോക്‌സഭാ തിരഞ്ഞെടുപ്പ്: ഒന്നാം ഘട്ടത്തില്‍ ഉച്ചവരെ ഭേദപ്പെട്ട പോളിങ്; കൂടുതല്‍ ത്രിപുരയില്‍
ഇന്ത്യയെ രക്ഷിക്കാനാണ് കോണ്‍ഗ്രസിന്റെ ശ്രമം; എംഎം ഹസ്സന്‍
