Kerala
കനത്ത മഴക്ക് സാധ്യത
തിരുവനന്തപുരം: ഇന്ന് മുതല് മൂന്ന് ദിവസത്തേക്ക് കനത്ത മഴക്ക് സാധ്യതയെന്ന് കാലാവസ്ഥാ പഠന കേന്ദ്രം. 11 സെന്റീമീറ്റര് വരെ മഴ ലഭിച്ചേക്കുമെന്നാണ് മുന്നറിയിപ്പ്. ചൊവ്വാഴ്ച കനത്ത മഴക്ക് സാധ്യതയുണ്ടെന്നും മുന്നറിയിപ്പില് വ്യക്തമാക്കിയിട്ടുണ്ട്.
കേരള, ലക്ഷദ്വീപ് തീരങ്ങളില് മണിക്കൂറില് 35 കിലോ മീറ്റര് വേഗത്തില് കാറ്റ് വീശാന് സാധ്യതയുണ്ടെന്നും മത്സ്യത്തൊഴിലാളികള് കടലില് പോകരുതെന്നും നിര്ദേശിച്ചിട്ടുണ്ട്.
അടുത്ത 24 മണിക്കൂറില് കേരള തീരത്ത് വടക്കു പടിഞ്ഞാറ് ദിശയില് നിന്ന് മണിക്കൂറില് 25 മുതല് 35 കിലോമീറ്റര് വേഗത്തിലും ചില അവസരങ്ങളില് മണിക്കൂറില് 45 കിലോമീറ്റര് വേഗത്തിലും കാറ്റടിക്കാന് സാധ്യതയുണ്ട്.
---- facebook comment plugin here -----