Gulf
അമീറിന്റെ സ്വീകരണത്തിന് ശേഷം മൂന്ന് മണിക്കൂറിനുള്ളില്‍ കോര്‍ണിഷ് ക്ലീന്‍
ദോഹ: അമീര്‍ ശൈഖ് തമീം ബിന്‍ ഹമദ് അല്‍ താനിക്ക് ജനകീയ സ്വീകരണം നല്‍കിയ ശേഷം ദോഹ കോര്‍ണിഷ് വൃത്തിയാക്കിയത് റെക്കോര്‍ഡ് സമയത്തിനുള്ളില്‍.
പൊതുശുചിത്വ വകുപ്പിലെ ജീവനക്കാരുടെ ആഭിമുഖ്യത്തില്‍ മൂന്ന് മണിക്കൂറിനുള്ളില്‍ നഗരസഭ, പരിസ്ഥിതി മന്ത്രാലയം പൊതുശുചിത്വ വിഭാഗം അറിയിച്ചു.
വിദേശപര്യടനം കഴിഞ്ഞ് മടങ്ങിയെത്തിയ അമീറിനെ വരവേല്‍ക്കുന്നതിനായി കോര്‍ണീഷില്‍ ആയിരങ്ങളാണ് തടിച്ചുകൂടിയത്. സ്വീകരണം കഴിഞ്ഞ് ജനക്കൂട്ടം പിരിഞ്ഞുപോയ ശേഷം റെക്കോര്‍ഡ് സമയത്തിലാണ് കോര്‍ണിഷ് പ്രദേശം വൃത്തിയാക്കിയതെന്ന് വകുപ്പ് ഡയറക്ടര്‍ സഫര്‍ മുബാറക് അല്‍ ശാഫി അറിയിച്ചു.
അമീറിനെ സ്വകീരിക്കാന്‍ ജനസഞ്ചയമായിരുന്നു കോര്‍ണീഷിലെത്തിയത്. തിരക്ക് മുന്നില്‍ക്കണ്ട് സ്വീകരണപരിപാടിക്കുശേഷം കോര്‍ണിഷ് ശുചീകരിക്കുന്നതിനായി പ്രത്യേക പദ്ധതി തയാറാക്കിയിരുന്നതായി അല്‍ ശാഫി പറഞ്ഞു.
ഇതിനായി പ്രത്യേക ടീം രൂപവത്കരിക്കുകയും പ്രവര്‍ത്തനം നിയന്ത്രിക്കുകയും ചെയ്തു. സംഘടിതമായ രീതിയില്‍ ശുചീകരണം പൂര്‍ത്തിയാക്കാനായി ജീവനക്കാരെ നിയോഗിക്കുകയായിരുന്നു.
ഇതിന്റെ ഫലമായാണ് വളരെ കുറഞ്ഞ സമയത്തിനുള്ളില്‍ കോര്‍ണീഷ് വൃത്തിയാക്കാനായത്.
Latest
'അബ്ഷിര്‍ പ്ലാറ്റ്‌ഫോം'; നടന്നത് 25,00000 ത്തിലധികം ഇലക്ട്രോണിക് ഇടപാടുകള്‍
ജമൈക്ക ഫലസ്തീന്‍ രാഷ്ട്രത്തെ അംഗീകരിച്ചു; സ്വാഗതം ചെയ്ത് അറബ് പാര്‍ലിമെന്റ്
ഈജിപ്ഷ്യന്‍ തൊഴിലാളികള്‍ക്കുള്ള വിസ വീണ്ടും നിര്‍ത്തിവെച്ച് കുവൈത്ത്
വിദ്വേഷം പരത്തി വോട്ട് നേടാന്‍ ശ്രമം; മോദിയുടെ പ്രസംഗത്തിനെതിരെ രൂക്ഷ വിമര്‍ശനവുമായി ലത്തീന്‍ സഭാ മുഖപത്രം
പാലക്കാട്ട് റെക്കോര്‍ഡ് ചൂട്; ഇന്ന് രേഖപ്പെടുത്തിയത് 41.2 ഡിഗ്രി
കാട്ടുപന്നി ആക്രമണം; സ്‌കൂട്ടറില്‍ സഞ്ചരിക്കുകയായിരുന്ന അമ്മയ്ക്കും മകള്‍ക്കും പരുക്ക്
