Gulf
ഖത്വറിന്റെ സ്‌പോണ്‍സര്‍ഷിപ്പ് മികച്ചതായിരുന്നു: ബാഴ്‌സലോണ
ദോഹ: ഖത്വറിന്റെ സ്‌പോണ്‍സര്‍ഷിപ്പ് സേവനവും സമീപനവും മികച്ചതായിരുന്നുവെന്ന് ലോകോത്തര ഫുട്‌ബോള്‍ ക്ലബായി ബാഴ്‌സലോണ എഫ് സി. ഖത്വര്‍ ഫൗണ്ടേഷനും ഖത്വര്‍ എയര്‍വേയ്‌സും ശ്രദ്ധേയമായ രീതിയിലാണ് സ്‌പോണ്‍സര്‍ഷിപ്പ് വഹിച്ചതെന്ന് ക്ലബ് വക്താവ് ജോസഫ് വൈവ്‌സ് ബാഴ്‌സലോണയില്‍ മാധ്യമങ്ങളോട് പറഞ്ഞതായി ക്യു എന്‍ എ റിപ്പോര്‍ട്ട് ചെയ്തു.
സ്‌പോണ്‍ഷിപ്പ് സമയത്ത് വളരെ കൃത്യതയോടെയും മികച്ച രീതിയിലുമാണ് അത് കൈകാര്യം ചെയ്തത്. സ്‌പോണ്‍സര്‍ എന്ന നിലയില്‍ അവരുടെ ബാധ്യതകള്‍ നിര്‍വഹിക്കുന്നതില്‍ അതീവ ശ്രദ്ധ പുലര്‍ത്തി. നിര്‍ണായകവും വിവേകപൂര്‍വവുമായ വഴികളിലൂടെ സഞ്ചരിക്കാന്‍ എഫ് സി ബാഴ്‌സലോണയെ ഖത്വറിന്റെ സ്‌പോണ്‍സര്‍ഷിപ്പ് സഹായിച്ചിട്ടുണ്ട്. ക്ലബിന്റെ ഔദ്യോഗിക എയര്‍ലൈനായി ഖത്വര്‍ എയര്‍വേയ്‌സ് സ്‌പോണ്‍സര്‍ഷിപ്പ് കരാര്‍ സംബന്ധിച്ച് ചര്‍ച്ചകള്‍ നടന്നു കൊണ്ടിരിക്കുകയാണെന്നും അദ്ദേഹം വെളിപ്പെടുത്തി.
ഞങ്ങള്‍ പ്രാദേശിക രാഷ്ട്രീയമോ മറ്റെന്തെങ്കിലും പരിഗണനയോ വെച്ചല്ല കാര്യങ്ങളെ കാണുന്നത്. ഹൃദയം കൊണ്ടാണ് സംസാരിക്കുന്നത്. മറ്റു കാര്യങ്ങളൊന്നും ഞങ്ങളുടെ പരിഗണനയിലില്ലെന്നും അദ്ദേഹം വ്യക്തമാക്കി.
ബാഴ്‌സ എഫ് സിയുമായുള്ള ഖത്വര്‍ എയര്‍വേയ്‌സിന്റെ സ്‌പോണ്‍സര്‍ഷിപ്പ് കരാര്‍ ജൂണ്‍ അവസാനത്തോടെ തീരുകയാണ്. ഒരു ജപ്പാന്‍ കമ്പനിയുമായി ക്ലബ് പുതിയ കരാറിലെത്തിയിട്ടുണ്ട്. 2011 വരെയുള്ള കരാറിലൂടെ ക്ലബിന് പ്രതി വര്‍ഷം 55 മുതല്‍ 60 വരെ ദശലക്ഷം യൂറോ കൈവരുമെന്നാണ് റിപ്പോര്‍ട്ടുകള്‍.
Latest
ലോകത്തിലെ ആദ്യ റോബോട്ടിക് ബ്രെയിന്‍ ട്യൂമര്‍ ശസ്ത്രക്രിയ സഊദിയിലെ കിംഗ് ഫൈസല്‍ സ്‌പെഷ്യലിസ്റ്റ് ആശുപത്രിയില്‍ നടന്നു
നാല് ദിവസത്തെ സന്ദര്‍ശനത്തിനായി രാഷ്ട്രപതി കേരളത്തിലെത്തി; നാളെ ശബരിമലയില്‍
താമരശ്ശേരിയില്‍ അറവ് മാലിന്യ സംസ്‌കരണ പ്ലാന്റിന് പ്രതിഷേധക്കാര്‍ തീയിട്ടു; സംഘര്‍ഷത്തില്‍ സമരക്കാര്‍ക്കും പോലീസുകാര്‍ക്കും പരുക്ക്
സ്‌കൂളില്‍ വിതരണം ചെയ്ത അയേണ്‍ ഗുളികകള്‍ മത്സരിച്ച് കഴിച്ചതിന് തുടര്‍ന്ന് ദേഹാസ്വാസ്ഥ്യം; കൊല്ലത്ത് ആറ് വിദ്യാര്‍ഥികളെ ആശുപത്രിയില്‍ പ്രവേശിപ്പിച്ചു
താമരശ്ശേരി ചുരത്തില്‍ ഓടിക്കൊണ്ടിരുന്ന കാറിന് തീപ്പിടിച്ചു; യാത്രക്കാര്‍ രക്ഷപ്പെട്ടു
കേന്ദ്രം അംഗീകരിക്കുന്നില്ല; കെ റെയില്‍ പദ്ധതിയില്‍ മാറ്റം വരുത്തുന്നത് ആലോചനയില്‍: എംവി ഗോവിന്ദന്‍
