National
രാംദേവിന്റെ ആശ്രമത്തില്‍ ആന ചെരിഞ്ഞ സംഭവം; കേസെടുത്തു
ഗുവാഹത്തി: അസാമില്‍ ബാബാ രാംദേവിന്റെ ഹെര്‍ബല്‍ ആന്‍ഡ് ഫുഡ്പാര്‍ക്കില്‍ കാട്ടാന ചെരിഞ്ഞ സംഭവത്തില്‍ അസാം സര്‍ക്കാര്‍ അന്വേഷണം പ്രഖ്യാപിച്ചു. കഴിഞ്ഞ ബുധനാഴ്ചയാണ് സംഭവം. തേജ്പൂര്‍ ജില്ലയിലെ പതഞ്ജലി യൂനിറ്റിന് വേണ്ടി നിര്‍മാണം പുരോഗമിച്ചു കൊണ്ടിരിക്കുന്ന സ്ഥലത്തെ കുഴിയിലേക്ക് പിടിയാനയും കൊമ്പനാനയും കുട്ടിയും വീഴുകയായിരുന്നു. കൊമ്പനാന തിരികെ കയറിയെങ്കിലും കുഴിയില്‍ അകപ്പെട്ട പിടിയാനയെയും കുട്ടിയെയും അധികൃതരെത്തിയാണ് രക്ഷപ്പെടുത്തിയത്. എന്നാല്‍ വീഴ്ചയുടെ ആഘാതത്തില്‍ ഗുരുതരമായി പരുക്കേറ്റ പിടിയാന അന്ന് രാത്രി ചെരിഞ്ഞു. കുട്ടിയാനെ കാശിരംഗ നാഷനല്‍ പാര്‍ക്കിലേക്ക് തുടര്‍ ചികിത്സക്കായി മാറ്റുകയായിരുന്നു.
സ്വാഭാവിക അപകടമായി ഇതിനെ കാണാനാകില്ലെന്നാണ് പോലീസ് നിഗമനം. കേസ് രജിസ്റ്റര്‍ ചെയ്യാനും ആനയുടെ മരണത്തിന് കാരണമെന്താണെന്ന് അന്വേഷിക്കാന്‍ ഉത്തരവിട്ടതായും വനം മന്ത്രി പ്രമീള റാണി ബ്രാമ പറഞ്ഞു. സംഭവത്തില്‍ അപരിചിതന് പങ്കുണ്ടെന്നാണ് പ്രഥമിക അന്വേഷണ റിപ്പോര്‍ട്ട്. പ്ലാന്റ് സ്ഥാപിക്കുന്നതിനായി പ്രദേശത്ത് നിരവധി കുഴികള്‍ കുഴിച്ചതായും മൃഗങ്ങള്‍ കടക്കാതിരിക്കാന്‍ മുന്‍കരുതലുകള്‍ എടുത്തിരുന്നില്ലെന്നും റിപ്പോര്‍ട്ടില്‍ പറയുന്നു.
Latest
ഭാര്യയെ വെട്ടിക്കൊലപ്പെടുത്തിയ ശേഷം ഭര്‍ത്താവ് ആത്മഹത്യ ചെയ്തു
കോണ്‍ഗ്രസിന്റെ പത്ര പരസ്യത്തിനെതിരെ തിരഞ്ഞെടുപ്പ് കമ്മീഷന് പരാതി നല്‍കി ബി.ജെ.പി
ആലത്തൂരില്‍ വടിവാളെന്ന് രമ്യാ ഹരിദാസ്; ബോര്‍ഡുകള്‍ അഴിച്ചുമാറ്റിയ ആയുധമെന്ന് സി പി എം
വയനാട്ടില്‍ ബി ജെ പി വ്യാപകമായി ഭക്ഷ്യക്കിറ്റുകള്‍ വിതരണം ചെയ്യുന്നതായി ടി സിദ്ധിഖ് എം എല്‍ എ
ബിഹാറില്‍ ജെ ഡി യു നേതാവിനെ ബൈക്കിലെത്തിയവര്‍ വെടിവച്ചു കൊന്നു
തെരഞ്ഞെടുപ്പ് ഡ്യൂട്ടിക്ക് പോയ ഉദ്യോഗസ്ഥന്‍ പുലര്‍ച്ചെ കാറിടിച്ച് മരിച്ചു
