National
ഡല്‍ഹിയില്‍ ആഫ്രിക്കന്‍ പൗരന്‍ മര്‍ദ്ദനമേറ്റ് മരിച്ചു
ന്യൂഡല്‍ഹി: ഡല്‍ഹിയിലെ വസന്ത്കുഞ്ചില്‍ ആഫ്രിക്കന്‍ പൗരന്‍ മര്‍ദ്ദനമേറ്റ് മരിച്ചു. കോംഗോ രാജ്യക്കാരനായ എംടി ഒലീവിയയാണ് അജ്ഞാത സംഘത്തിന്റെ ആക്രമണത്തില്‍ കൊല്ലപ്പെട്ടത്. ഇന്നലെ രാത്രി 11.45 ഓടെയാണ് സംഭവം.
കിഷന്‍ഗന്ധ് പ്രദേശത്ത് താമസിക്കുകയായിരുന്ന ഒലീവിയ വീട്ടിലേക്ക് മടങ്ങിപ്പോകും വഴി ചിലയാളുകള്‍ ഒലീവിയയെ മര്‍ദ്ദിക്കുകയായിരുന്നു. രക്ഷപ്പെടാനായി ഓടിയ ഒലീവിയയെ പിന്തുടര്‍ന്ന് എത്തിയ സംഘം കല്ലുകളും വടികളുമായി ഒലീവിയയെ വീണ്ടും തല്ലിച്ചതച്ചു. ഗുരുതരമായി പരുക്കേറ്റ ഒലീവിയയെ സ്വകാര്യ ആശുപത്രിയില്‍ എത്തിച്ചെങ്കിലും മരിച്ചു.
പൊലീസ് കൊലപാതകത്തിന് കേസെടുത്തു. അക്രമികള്‍ക്കായി അന്വേഷണം ഊര്‍ജിതമാക്കിയെന്ന് പൊലീസ് അറിയിച്ചു. പ്രദേശത്തെ സിസിടിവി പരിശോധിച്ചുവരികയാണെന്ന് അന്വേഷണ ഉദ്യോഗസ്ഥന്‍ നൂപുര്‍ പ്രസാദ് പറഞ്ഞു. വംശീയാധിക്ഷേപമാണോ, മോഷണ ശ്രമത്തിനിടെയുള്ള കൊലപാതകമാണോ എന്ന് അന്വേഷിക്കുന്നുണ്ട്.
വിദേശഭാഷാ പഠനസ്ഥാപനത്തില്‍ ജോലി ചെയ്തു വരികയായിരുന്നു ഒലിവിയ. മരണം സംബന്ധിച്ച് കോംഗോ എംബസിക്ക് വിവരം കൈമാറിയിട്ടുണ്ട്.
Latest
സ്വകാര്യ പണമിടപാട് സ്ഥാപനത്തിലെ ജീവനക്കാര്‍ വീട്ടില്‍ കയറി മര്‍ദ്ദിച്ചതായി പരാതി
ഫ്രഷ് കട്ട് പ്രതിഷേധം; പരീശീലനം നേടിയ ജില്ലക്കു പുറത്തുള്ള എസ് ഡി പി ഐക്കാര്‍ നുഴഞ്ഞുകയറി കലാപം അഴിച്ചുവിട്ടതായി സി പി എം
മുഖ്യമന്ത്രി നേരിട്ടു വിളിച്ചു; പരാതിക്കാര്‍ക്ക് ആശ്വാസം
വേട്ടനായ്ക്കളും ഷൂട്ടര്‍മാരും അണിനിരന്ന് കാട്ടുപന്നികളെ കൂട്ടത്തോടെ കൊന്നൊടുക്കി
രാഷ്ട്രപതിയുടെ സന്ദര്‍ശനം; സുരക്ഷാ വീഴ്ചയില്ലെന്ന് പോലീസ് മേധാവി
യുവതിയെ ലോഡ്ജില്‍ മരിച്ച നിലയില്‍ കണ്ടെത്തിയ സംഭവം കൊലപാതകം; പ്രതിക്കായി അന്വേഷണം ഊര്‍ജിതമാക്കി പോലീസ്
