National
വിജയ് മല്യ രാജ്യംവിട്ടതായി സര്‍ക്കാര്‍
ന്യൂഡല്‍ഹി: കടക്കെണിയിലായ കിംഗ്ഫിഷര്‍ ഉടമ വിജയ് മല്യ രാജ്യംവിട്ടതായി കേന്ദ്രസര്‍ക്കാര്‍. മല്യ രാജ്യംവിടുന്നത് തടയണമെന്നാവശ്യപ്പെട്ട് ബാങ്കുകളുടെ കണ്‍സോര്‍ഷ്യം നല്‍കിയ ഹര്‍ജി പരിഗണിക്കുമ്പോഴാണ് മല്യ രാജ്യംവിട്ടതായി അറ്റോര്‍ണി ജനറല്‍ കോടതിയെ അറിയിച്ചത്. മാര്‍ച്ച് രണ്ടിന് രാജ്യംവിട്ടതായാണ് സിബിഐ നല്‍കുന്ന സൂചനയെന്നും അദ്ദേഹം പറഞ്ഞു.
ബാങ്കുകളുടെ ഹര്‍ജിയില്‍ നോട്ടീസ് അയക്കാന്‍ സുപ്രീംകോടതി നിര്‍ദേശിച്ചു. ലണ്ടനിലെ ഇന്ത്യന്‍ ഹൈക്കമ്മീഷന്‍ വഴി മല്യയുടെ ഔദ്യോഗിക ഇ-മെയില്‍ വിലാസത്തില്‍ നോട്ടീസ് അയക്കാനാണ് കോടതി നിര്‍ദേശം. 7000 കോടി രൂപയുടെ ബാധ്യത വരുത്തിയ മല്യ രാജ്യം വിടുന്നത് തടയണമെന്നാവശ്യപ്പെട്ട് 13 ബാങ്കുകളുടെ കണ്‍സോര്‍ഷ്യമാണ് കോടതിയെ സമീപിച്ചത്.
മദ്യക്കമ്പനി ഡയാജിയോക്ക് കൈമാറിയ വകയില്‍ മല്യക്ക് ലഭിക്കാനുള്ള 515 കോടി രൂപ എസിബിഐയുടെ പരാതി പ്രകാരം ഡെറ്റ് റിക്കവറി ട്രൈബ്യൂണല്‍ കഴിഞ്ഞദിവസം തടഞ്ഞുവെച്ചിരുന്നു. ചീഫ് ജസ്റ്റിസ് ടിഎസ് ഠാക്കൂര്‍, ജസ്റ്റിസ് യുയു ലളിത് എന്നിവരടങ്ങുന്ന ബെഞ്ചാണ് ഹര്‍ജി പരിഗണിച്ചത്.
Latest
വോട്ടെടുപ്പിനിടെ ബംഗാളിലെ ബൂത്തിന് സമീപം കല്ലേറ്
മണിപ്പൂരില്‍ പോളിങ് ബൂത്തില്‍ സംഘര്‍ഷം ; പോളിങ് മെഷീനുകള്‍ അക്രമകാരികള്‍ തകര്‍ത്തു.
സജി മഞ്ഞക്കടമ്പില്‍ എന്‍ഡിഎയിലേക്ക്; മറ്റൊരു കേരള കോണ്‍ഗ്രസ് പാര്‍ട്ടി പ്രഖ്യാപനം ഉടന്‍
തിരുവനന്തപുരത്ത് ഏഴ് വയസുകാരനെ മര്‍ദിച്ച സംഭവം; അമ്മ അറസ്റ്റില്‍
തിരഞ്ഞെടുപ്പ് ഡ്യൂട്ടിയിലുണ്ടായിരുന്ന സിആര്‍പിഎഫ് ജവാന്‍ പോളിങ് ബൂത്തിലെ ശൗചാലയത്തില്‍ മരിച്ചനിലയില്‍
വീട്ടിലെ വോട്ടില്‍ കള്ളവോട്ടെന്ന പരാതിയില്‍ കേസെടുത്തു; പോളിംഗ് സംഘത്തിലെ നാല് ഉദ്യോഗസ്ഥര്‍ക്ക് സസ്‌പെന്‍ഷന്‍
