ന്യൂഡല്‍ഹി: ഡല്‍ഹി മുഖ്യമന്ത്രി അരവിന്ദ് കെജ്‌രിവാളിന്റെ മകളെ ബലാത്സംഗം ചെയ്യാന്‍ ആവശ്യപ്പെട്ട് ട്വീറ്റ്. സംഭവം വിവാദമായതോടെ ട്വീറ്റ് ഡിലീറ്റ് ചെയ്തു. ഗ്യാരി സിങ് എന്ന പേരുള്ളയാളുടെ അക്കൗണ്ടില്‍ നിന്നാണ് കുറ്റകൃത്യത്തിന് പ്രേരിപ്പിച്ച് പ്രതിഫലം വാഗ്ദാനവും ചെയ്തത്. ഒരു ലക്ഷം രൂപയും ബൈക്കും നല്‍കാമെന്നായിരുന്നു ഇയാളുടെ വാഗ്ദാനം. കൃത്യം നടത്തുന്നയാള്‍ക്ക് 17നും 18നും മധ്യേ പ്രായമുണ്ടായാല്‍ മതിയെന്നും ഇയാള്‍ നിര്‍ദേശിക്കുന്നു.
ട്വീറ്റ് ഡല്‍ഹി വനിതാ കമീഷന്‍ അംഗം പ്രൊമീള ഗുപ്തയുടെ ശ്രദ്ധയില്‍പ്പെടുത്തിയതോടെ അക്കൗണ്ടില്‍ നിന്ന് സന്ദേശം ഡിലീറ്റ് ചെയ്തു. ഇതില്‍ നടപടിയെടുക്കുമെന്ന് പ്രൊമീള അറിയിച്ചു. ഡല്‍ഹി കൂട്ട ബലാത്സംഗക്കേസിലെ പ്രായപൂര്‍ത്തിയാകാതിരുന്ന കുറ്റവാളിയെ ഇന്ന് മോചിപ്പിക്കാനിരിക്കെയാണ് വിവാദ ട്വീറ്റ്.
