Gulf
ഉച്ച വിശ്രമം; അബുദാബി നഗരസഭ ബോധവത്കരണം തുടങ്ങി
അബുദാബി: പുറം ജോലികളില്‍ ഏര്‍പെടുന്ന തൊഴിലാളികള്‍ക്ക് വേണ്ടി അബുദാബി നഗരസഭ ബോധവത്കരണം തുടങ്ങി. കടുത്ത ചൂടിനെ എങ്ങിനെ തരണം ചെയ്യാമെന്നത് സംബന്ധിച്ചാണ് ബോധവത്കരണമെന്ന് അധികൃതര്‍ അറിയിച്ചു. തൊഴില്‍ മന്ത്രാലയം, അബുദാബി ഒക്ക്യുപേഷണല്‍ സേഫ്റ്റി ആന്‍ഡ് ഹെല്‍ത് സെന്റര്‍ എന്നിവയുടെ പങ്കാളിത്തത്തോടെയാണ് ബോധവത്കരണം. സൂര്യാഘാതവും ഉച്ച ജോലി നിരോധവും എന്ന ആശയം അടിസ്ഥാനപ്പെടുത്തി കരാറുകാര്‍ക്കും കണ്‍സള്‍ട്ടന്റുകള്‍ക്കും ശില്‍പശാല നടത്തി. ചൂടിന്റെ കാഠിന്യം കൂടുന്നതിനനുസരിച്ച് തൊഴിലാളികളുടെ സുരക്ഷക്ക് ജാഗ്രത വേണമെന്ന് അബുദാബി ടൗണ്‍ പ്ലാനിംഗ് വിഭാഗം വ്യക്തമാക്കി.
ഉച്ച വിശ്രമ നിയമം ഇന്ന് പ്രാബല്യത്തില്‍ വരും. സെപ്തംബര്‍ 15 വരെ ഉച്ച 12 മുതല്‍ ഉച്ച കഴിഞ്ഞ് മൂന്ന് വരെ പുറം ജോലികള്‍ ചെയ്യരുതെന്ന് തൊഴിലാളികള്‍ക്ക് നിര്‍ദേശം നല്‍കിയിട്ടുണ്ട്. ഇവര്‍ക്ക് വേണ്ടി ലഘുലേഖകളും മറ്റും വിതരണം ചെയ്തു. ഉച്ച വിശ്രമം നിയമം ലംഘിക്കുന്നവര്‍ക്കെതിരെ കടുത്ത നടപടി സ്വീകരിക്കും. 12 ന് മുമ്പ് ചൂട് കൂടുതലാണെങ്കില്‍ ഇവര്‍ക്ക് തണല്‍ സൗകര്യം ഏര്‍പെടുത്തണമെന്ന് നഗരസഭാ അധികൃതര്‍ വ്യക്തമാക്കി.
Latest
'അബ്ഷിര്‍ പ്ലാറ്റ്‌ഫോം'; നടന്നത് 25,00000 ത്തിലധികം ഇലക്ട്രോണിക് ഇടപാടുകള്‍
ജമൈക്ക ഫലസ്തീന്‍ രാഷ്ട്രത്തെ അംഗീകരിച്ചു; സ്വാഗതം ചെയ്ത് അറബ് പാര്‍ലിമെന്റ്
ഈജിപ്ഷ്യന്‍ തൊഴിലാളികള്‍ക്കുള്ള വിസ വീണ്ടും നിര്‍ത്തിവെച്ച് കുവൈത്ത്
വിദ്വേഷം പരത്തി വോട്ട് നേടാന്‍ ശ്രമം; മോദിയുടെ പ്രസംഗത്തിനെതിരെ രൂക്ഷ വിമര്‍ശനവുമായി ലത്തീന്‍ സഭാ മുഖപത്രം
പാലക്കാട്ട് റെക്കോര്‍ഡ് ചൂട്; ഇന്ന് രേഖപ്പെടുത്തിയത് 41.2 ഡിഗ്രി
കാട്ടുപന്നി ആക്രമണം; സ്‌കൂട്ടറില്‍ സഞ്ചരിക്കുകയായിരുന്ന അമ്മയ്ക്കും മകള്‍ക്കും പരുക്ക്
