Gulf
നേപ്പാളിലെ ജനങ്ങള്‍ക്കു ഷാര്‍ജ ഇന്ത്യന്‍ സ്‌കൂള്‍ വിദ്യാര്‍ഥികളുടെ സഹായ ഹസ്തം
ഷാര്‍ജ: ഭൂകമ്പത്തിനിരയായി സര്‍വതും നഷ്ടപ്പെട്ട നേപ്പാളിലെ ജനങ്ങള്‍ക്കു ഷാര്‍ജ ഇന്ത്യന്‍ സ്‌കൂള്‍ വിദ്യാര്‍ഥികളുടെ സഹായ ഹസ്തം. സ്‌കൂളിലെ വിദ്യാര്‍ഥികളും അധ്യാപക-അധ്യാപകേതര ജീവനക്കാരും നേപ്പാള്‍ പ്രധാന മന്ത്രിയുടെ ദുരിതാശ്വാസ നിധിയിലേക്ക് സ്വരൂപിച്ച 1,55,562 ദിര്‍ഹം (42,81,899 നേപ്പാള്‍ രൂപ) കൈമാറി. ഇന്ത്യന്‍ അസോസിയേഷന്‍ ജനറല്‍ സെക്രട്ടറി അഡ്വ. വൈ എ റഹീം ട്രഷറര്‍ ബി ജു സോമന്‍, പ്രിന്‍സിപ്പല്‍ കെ ആര്‍ രാധാകൃഷ്ണന്‍ നായര്‍ എന്നിവര്‍ ചേര്‍ന്നാണ് യു എ ഇയിലെ നേപ്പാള്‍ സ്ഥാനപതി ധാഞ്ചെഥാക്കു തുക കൈമാറിയത്. അബുദാബിയിലെ നേപ്പാള്‍ സ്ഥാനപതി കാര്യാലയത്തില്‍ സ്ഥാനപതിയുടെ ഓഫീസില്‍ വെച്ചായിരുന്നു കൈമാറ്റം. സ്‌കൂള്‍ ബോയ്‌സ് വിഭാഗം ചീഫ് ഹൗസ് മാസ്റ്റര്‍ അനില്‍കുമാര്‍ രേഷ്മ രഞ്ജിത്ത്, ഗേള്‍സ് വിഭാഗം അസി. ചീഫ് ഹൗസ് ഓഫീസര്‍ രീഷ്മ വത്സരാജ്, ഫൗസിയ കിഫ്‌ലി, ഹെഡ് ബോയ്, വളണ്ടിയര്‍ കോര്‍ ക്യാപ്റ്റന്‍ എന്നിവര്‍ പങ്കെടുത്തു.
ഇന്ത്യന്‍ അസോസിയേഷന്‍ ഷാര്‍ജ സമാഹരിച്ച ധന സഹായം, വസ്ത്രങ്ങള്‍, ഔഷധം എന്നിവയും മറ്റും ചടങ്ങില്‍ സ്ഥാനപതിയെ ഏല്‍പിച്ചു. ധന സഹായത്തിനും മറ്റും വിദ്യാര്‍ഥികള്‍ക്കും, സ്‌കൂള്‍ അധികൃതര്‍ക്കും ഇന്ത്യന്‍ അസോസിയേഷനും സ്ഥാനപതി നന്ദി പറഞ്ഞു.
ഭൂകമ്പം ദുരിതം വിതച്ചപ്പോള്‍ തന്നെ ജനങ്ങളെ സഹായിക്കാനായി വിദ്യാര്‍ഥികളും മറ്റും രംഗത്തിറങ്ങിയിരുന്നു. പ്രിന്‍സിപ്പല്‍ കെ ആര്‍ രാധാകൃഷ്ണന്‍ നായരുടെ നിര്‍ദേശത്തെ തുടര്‍ന്നായിരുന്നു ഇത്. സംഘാടകരുടെ കണക്കുകൂട്ടലുകള്‍ തെറ്റിച്ച് സഹായങ്ങളൊഴികിയതായി ബന്ധപ്പെട്ടവര്‍ അറിയിച്ചു.
Latest
ചെങ്കടലില്‍ ഗ്രീക്ക് കപ്പലിനു നേരെ ആക്രമണം; രണ്ട് ജീവനക്കാര്‍ കൊല്ലപ്പെട്ടു, രണ്ടുപേര്‍ക്ക് പരുക്ക്
ജ്യോതി മല്‍ഹോത്ര വന്ദേഭാരത് ഉദ്ഘാടന വേളയില്‍ വി മുരളീധരനൊപ്പം യാത്ര ചെയ്തു; ദൃശ്യങ്ങള്‍ പുറത്ത്
ബിഹാറില്‍ സ്ത്രീകള്‍ക്ക് സര്‍ക്കാര്‍ ജോലിയില്‍ 35 ശതമാനം സംവരണം; വന്‍ പ്രഖ്യാപനവുമായി നിതീഷ് കുമാര്‍
'മഞ്ഞുമ്മല്‍ ബോയ്‌സ്' സാമ്പത്തിക തട്ടിപ്പ്: നടന്‍ സൗബിന്‍ ഷാഹിര്‍ അറസ്റ്റില്‍
തിരുവല്ലയില്‍ 1.240 കിലോഗ്രാം കഞ്ചാവും 1.25 ഗ്രാം ഹാഷിഷ് ഓയിലും കണ്ടെടുത്തു; അതിഥി സംസ്ഥാന തൊഴിലാളി അറസ്റ്റില്‍
ജിദ്ദ-ജിസാന്‍ ഹൈവേയില്‍ വാഹനാപകടം; കോഴിക്കോട് കൊടുവള്ളി സ്വദേശി മരിച്ചു
