Palakkad
ശ്രേഷ്ഠ പാഠങ്ങളെ പുല്‍കി ജീവിതം ധന്യമാക്കണം: അലിക്കുഞ്ഞി മുസ്‌ലിയാര്‍
ഹസനിയ്യ നഗര്‍ : പൂര്‍വ്വസൂരികളായ പണ്ഡിതന്മാര്‍ വഴികാണിച്ചു തന്ന ശ്രേഷ്ഠ പാഠങ്ങളെ പുല്‍കി ജീവിതം ധന്യമാക്കാന്‍ വിശ്വാസികള്‍ മുന്നോട്ട് വരണമെന്ന് സമസ്ത കേന്ദ്ര മുശാവറ അംഗം ഷിറിയ അലിക്കുഞ്ഞി മുസ്‌ലിയാര്‍ പ്രസ്താവിച്ചു.
ഹസനിയ്യ നഗറില്‍ 20ാം വാര്‍ഷിക 9ാം സനദ് ദാന സമ്മേളനത്തോടനുബന്ധിച്ച് മുല്‍തഖല്‍ഉലമാ പണ്ഡിത സംഗമത്തില്‍ സംസാരിക്കുകയായിരുന്നു അദ്ദേഹം. ദുര്‍മാര്‍ഗത്തിലേക്കല്ല, നേര്‍വഴിയിലേക്ക് സമൂഹത്തെ നയിക്കുകയെന്നതാണ് മതപണ്ഡിതന്മാരുടെ കര്‍ത്തവ്യമെന്ന് സംഗമം ഉദ്ഘാടനം ചെയ്ത് ഹസ്രത്ത് മുഖ്താര്‍ ബാഖവി പറഞ്ഞു. കെ വി അബൂബക്കര്‍ മുസ്‌ലിയാര്‍ പ്രാര്‍ഥന നടത്തി. സമസ്ത കേന്ദ്ര മുശാവറ അംഗം പി വി മൊയ്തീന്‍കുട്ടി മുസ്‌ലിയാര്‍ താഴപ്ര അധ്യക്ഷത വഹിച്ചു. ഷിറിയ അലിക്കുഞ്ഞി മുസ്‌ലിയാരെ ചടങ്ങില്‍ ആദരിച്ചു. ദൈനംദിന ജീവിതത്തിന്റെ രണ്ടറ്റവും മുട്ടിക്കാന്‍ ശ്രമിക്കുന്ന അവശവിഭാഗങ്ങളും വ്യവസായ രംഗത്ത് നിറഞ്ഞുനില്‍ക്കുന്ന ധനാഢ്യരുമൊക്കെ പലിശയുടെ നവീനമുഖങ്ങളില്‍ ആകൃഷ്ടരായി ജീവിതം ഹോമിക്കുന്ന കാഴ്ചയാണുള്ളതെന്ന് പലിശയുടെ നവീനമുഖങ്ങള്‍ അവതരിപ്പിച്ച ബഷീര്‍ ഫൈസി വെണ്ണക്കോട് പറഞ്ഞു.
പലിശ സാമ്പത്തിക ചൂഷണമാണ്. ഇതിനെതിരെ നിയന്ത്രിതവും സാമ്പത്തിക ഭദ്രതയും വളര്‍ച്ചയും മുന്നോട്ട് വെക്കുന്ന ഇസ് ലാമിക പരിഹാര മാര്‍ഗവും സാമ്പത്തിക ശാസ്ത്രവും സമൂഹം സ്വീകരിക്കണമെന്നും ഇസ്ലാമിക സാമ്പത്തിക ശാസ്ത്രജ്ഞന്‍ കൂടിയായ ബഷീര്‍ ഫൈസി അഭിപ്രായപ്പെട്ടു.
കെ പി മുഹമ്മദ് മുസ്‌ലിയാര്‍ കൊമ്പം, മാരായമംഗലം അബ്ദുറഹിമാന്‍ ഫൈസി, ഉമര്‍ ഫൈസി മാരായമംഗലം, അബ്ദുറഷീദ് സഖാഫി ഏലംകുളം എന്നിവര്‍ പ്രസംഗിച്ചു. എം എ ഖാലിദ് ഫൈസി പുടൂര്‍ സ്വാഗതവും അബ്ദുല്‍അസീസ് ഫൈസി കൂടല്ലൂര്‍ നന്ദിയും പറഞ്ഞു.
Latest
അടുത്ത അഞ്ചു ദിവസം കാറ്റും മഴയും
അഹമ്മദാബാദ് വിമാന ദുരന്തത്തിനു കാരണം ഇന്ധന നിയന്ത്രണ സ്വിച്ച് ഓഫ് ആയതെന്ന് പ്രാഥമിക അന്വേഷണ റിപ്പോര്‍ട്ട്
പാര്‍ട്ടിക്കുമേലെ വളരാന്‍ ശ്രമിക്കുന്ന വി ടി ബല്‍റാമിനെ പിടിച്ചു പുറത്താക്കണമെന്ന് ആവശ്യം
മഴ നനയാതിരിക്കാന്‍ ടിപ്പര്‍ ലോറിക്കു സമീപം നിന്ന യുവാവ് അപകടത്തില്‍ മരിച്ചു
ഓണ്‍ലൈന്‍ വഴി മയക്കുമരുന്നു വില്‍പ്പന നടത്തുന്ന യുവാവും യുവതിയും പിടിയില്‍
ബി ജെ പി ഭാരവാഹി പട്ടിക: പുതുതായി ചേക്കേറിയവര്‍ താക്കോല്‍ സ്ഥാനങ്ങളില്‍; പരമ്പരാഗത സംഘപരിവാറുകാര്‍ക്ക് അതൃപ്തി
