Sports
സച്ചിന്, ഗാംഗുലി, ദ്രാവിഡ് ബി സി സി ഐ ഉപദേശകരായേക്കും
ന്യൂഡല്ഹി: ഇന്ത്യന് ക്രിക്കറ്റിലെ ഇതിഹാസ താരങ്ങളായ സച്ചിന് തെന്ഡുല്ക്കര്, സൗരവ് ഗാംഗുലി, രാഹുല് ദ്രാവിഡ് ത്രയം ബി സി സി ഐയുടെ ഉപദേശകരായേക്കും. ക്രിക്കറ്റുമായി ബന്ധപ്പെട്ട കാര്യങ്ങളില് ഇന്ത്യന് ക്രിക്കറ്റ് കണ്ട്രോള് ബോര്ഡിന്റെ മാര്ഗദര്ശികളാകുന്നതിന് മൂവരോടും അനുമതി തേടാന് ബി സി സി ഐ വര്ക്കിംഗ് കമ്മിറ്റി യോഗം തീരുമാനിച്ചു.
ഇന്ത്യന് ക്രിക്കറ്റില് പകരക്കാരില്ലാത്ത മൂവരെയും ബി സി സി ഐയുടെ ഉപദേശകരാക്കണമെന്ന് യോഗത്തില് അഭിപ്രായമുയര്ന്നിരുന്നു. ഇതെ തുടര്ന്നാണ് തീരുമാനം. ഇവരുടെ തീരുമാനം അനുകൂലമാണെങ്കില് പുതിയ കോച്ചിനെ കണ്ടെത്തുന്നതുള്പ്പെടെയുള്ള കാര്യങ്ങളില് ഇവരുടെ തീരുമാനം നിര്ണായകമാകും. ഇന്ത്യന് ടീമിന്റെ പുതിയ പരിശീലകനെ തിരഞ്ഞെടുക്കുന്നതിന് ബി സി സിഐ പ്രസിഡന്റ് ജഗ്മോഹന് ഡാല്മിയ, സെക്രട്ടറി അനുരാഗ് ഠാക്കൂര് എന്നിവരെ യോഗം ചുമതലപ്പെടുത്തി.
നേരത്തെ, നിലവിലെ കോച്ചായ ഡങ്കന് ഫ്ളെച്ചറിന്റെ പിന്ഗാമിയായി ഇന്ത്യന് ക്രിക്കറ്റ് ടീമിന്റെ പരിശീലക സ്ഥാനത്തേക്ക് ഗാംഗുലിയോ ദ്രാവിഡോ എത്തുമെന്ന് റിപ്പോര്ട്ടുകളുണ്ടായിരുന്നു. ഇവരെ ബി സി സി ഐയുടെ ഉപദേശകരാക്കാന് തീരുമാനിച്ചതോടെ പരിശീലക സ്ഥാനത്തേക്ക് പുതിയ ആളെ നിയമിക്കും. ഇന്ത്യന് ക്രിക്കറ്റ് ടീം താരമായ രോഹിത് ശര്മയെ 2015ലെ അര്ജുന അവാര്ഡിന് ശിപാര്ശ ചെയ്യാനും യോഗം തീരുമാനിച്ചു.
Latest
ചര്ച്ച നടക്കുന്നുവെന്ന് ട്രംപ്, വ്യാജ അവകാശവാദമെന്ന് ഇറാന്; പശ്ചിമേഷ്യയില് സംഘര്ഷം തുടരുന്നു
എട്ടുവയസുകാരനെ കെട്ടിയിട്ട് പീഡിപ്പിച്ച കേസ്; പ്രതിക്ക് 30 വര്ഷം കഠിനതടവ്
എസ്എസ്എൽസി മൂല്യനിർണയം ഏപ്രിൽ 16 ലേക്ക് നീട്ടി
ഹിന്ദു, സിഖ്, ബുദ്ധ മതം ഒഴികെയുള്ള മതത്തിലേക്ക് മാറുന്നവരെ പട്ടികജാതിക്കാരായി പരിഗണിക്കാനാകില്ല; സുപ്രധാന വിധിയുമായി സുപ്രീം കോടതി
മുറിഞ്ഞപുഴയാറ്റില് യുവാവിനെ കല്ലെറിഞ്ഞ് വെള്ളത്തില് താഴ്ത്തിക്കൊന്ന കേസ്; പ്രതികള്ക്ക് ഏഴുവര്ഷം കഠിനതടവ്
വര്ക്കലയില് വിദേശ വനിതയെ മുറിയില് കയറി ഉപദ്രവിച്ചു; എഞ്ചിനീയര് പിടിയില്
