Ongoing News
അബ്ദുര്‍റബ്ബിന് നേരെ എസ് എഫ് ഐ പ്രതിഷേധം
കോഴിക്കോട്: സംസ്ഥാന കലോത്സവ സമാപന വേദിയില്‍ വിദ്യാഭ്യാസമന്ത്രി അബ്ദുര്‍റബ്ബിന് നേരെ എസ് എഫ് ഐ പ്രതിഷേധം. കാലിക്കറ്റ് സര്‍വകലാശാലയില്‍ എസ് എഫ് ഐ നടത്തുന്ന സമരം ഒത്തുതീര്‍പ്പാക്കാന്‍ വിദ്യാഭ്യാസ മന്ത്രി മുന്‍കൈയെടുക്കുന്നില്ലെന്ന് ആരോപിച്ച് പ്രവര്‍ത്തകര്‍ മന്ത്രി അബ്ദുര്‍റബ്ബിനെ കരിങ്കൊടി കാണിക്കുകയായിരുന്നു.
സമാപന സമ്മേളനം ഉദ്ഘാടനം ചെയ്യാനായി അബ്ദുര്‍റബ്ബ് എഴുന്നേറ്റ ഉടന്‍ എസ് എഫ് ഐ പ്രവര്‍ത്തകര്‍ കരിങ്കൊടിയുമായി സദസ്സിലിറങ്ങി. മന്ത്രിക്ക് എതിരെ മുദ്രാവാക്യം വിളിക്കുകയും വേദിയിലേക്ക് ഓടിക്കയറാന്‍ ശ്രമിക്കുകയും ചെയ്ത വിദ്യാര്‍ഥിനികള്‍ അടക്കമുള്ള എസ് എഫ് ഐക്കാരെ പോലീസ് അറസ്റ്റ് ചെയ്ത് നീക്കി.
എസ് എഫ് ഐ സംസ്ഥാന കമ്മിറ്റിയംഗം കെ എം നീനുവിന്റെ നേതൃത്വത്തില്‍ ഷിനോ മെര്‍വിന്‍, രജീഷ് ലാല്‍, ആരതി, റിബിന്‍ എന്നിവരാണ് വേദിയിലേക്ക് ഓടിക്കയറാന്‍ ശ്രമിച്ചത്. സിറ്റി സ്‌പൈഡേഴ്‌സിന്റെ നേതൃത്വത്തിലുള്ള പോലീസാണ് ഇവരെ നീക്കിയത്. തുടര്‍ന്ന് നടക്കാവ് പോലീസ് സ്‌റ്റേഷനിലേക്ക് മാറ്റി.
Latest
വിവാദത്തിനു പിന്നില് കോണ്ഗ്രസ്-ബി ജെ പി തിരക്കഥയെന്ന് ഇ പി ജയരാജന്
ടൂറിസ്റ്റ് ബസ് നിയന്ത്രണം വിട്ട് മറിഞ്ഞു; അപകടത്തില് ഒരാള് മരിച്ചു
സി പി എമ്മിനെ പ്രതിരോധത്തിലാക്കി ഇ പി
സ്ഥാനം ചവറ്റുകൊട്ടയിലാകും
കേരളത്തിലും വോട്ട് വില കൊടുത്തു വാങ്ങുന്നുവോ?
കാണാതായ കമിതാക്കളെ ആളൊഴിഞ്ഞ വീട്ടില് മരിച്ച നിലയില് കണ്ടു
