Ongoing News
അജ്ഞാത സംഘത്തിന്റെ കല്ലേറില്‍ എസ് വൈ എസ് നേതാവിന് പരുക്ക്
ചങ്ങനാശേരി: എസ് വൈ എസ് കോട്ടയം ജില്ലാ പ്രസിഡന്റും പൊട്ടശ്ശേരി മര്‍കസുല്‍ ഹുദാ ജനറല്‍ സെക്രട്ടറിയുമായ കെ എസ് എം റഫീഖ് അഹ്മദ് സഖാഫിക്ക് അജ്ഞാത സംഘത്തിന്റെ കല്ലേറില്‍ സാരമായി പരുക്കേറ്റു. മൂക്കിനും തലക്കും ഗുരുതരമായി പരുക്കേറ്റ റഫീഖ് സഖാഫിയെ ചങ്ങനാശ്ശേരി താലൂക്ക് ആശുപത്രിയില്‍ പ്രവേശിപ്പിച്ചു. ഇന്നലെ വൈകിട്ട് ആറുമണിയോടെ വീട്ടിലേക്ക് ബൈക്കില്‍ പോകവെ അജ്ഞാതര്‍ ഒളിഞ്ഞിരുന്ന് അദ്ദേഹത്തെ കല്ലെറിയുകയായിരുന്നു. ചങ്ങനാശ്ശേരി പോലീസ് ആശുപത്രിയില്‍ ചികിത്സയില്‍ കഴിയുന്ന റഫീഖ് സഖാഫിയുടെ മൊഴിയെടുത്തു. ആക്രമണത്തില്‍ എസ് വൈ എസ് കോട്ടയം ജില്ലാ കമ്മറ്റി യോഗം പ്രതിഷേധം രേഖപ്പെടുത്തി. കുറ്റക്കാരെ മാതൃകാപരമായി ശിക്ഷിക്കണമെന്ന് ചങ്ങനാശേരിയില്‍ ചേര്‍ന്ന അടിയന്തര യോഗം ആവശ്യപ്പെട്ടു. വി എച്ച് അബ്ദുര്‍റഷീദ് മുസ്‌ലിയാര്‍, പി എം അനസ് മദനി, കെ എം മുഹമ്മദ്, അബ്ദുല്‍ സലാം ബാഖവി, സിയാദ് അഹ്‌സനി പ്രസംഗിച്ചു.
Latest
അടുത്ത അഞ്ചു ദിവസം കാറ്റും മഴയും
അഹമ്മദാബാദ് വിമാന ദുരന്തത്തിനു കാരണം ഇന്ധന നിയന്ത്രണ സ്വിച്ച് ഓഫ് ആയതെന്ന് പ്രാഥമിക അന്വേഷണ റിപ്പോര്‍ട്ട്
പാര്‍ട്ടിക്കുമേലെ വളരാന്‍ ശ്രമിക്കുന്ന വി ടി ബല്‍റാമിനെ പിടിച്ചു പുറത്താക്കണമെന്ന് ആവശ്യം
മഴ നനയാതിരിക്കാന്‍ ടിപ്പര്‍ ലോറിക്കു സമീപം നിന്ന യുവാവ് അപകടത്തില്‍ മരിച്ചു
ഓണ്‍ലൈന്‍ വഴി മയക്കുമരുന്നു വില്‍പ്പന നടത്തുന്ന യുവാവും യുവതിയും പിടിയില്‍
ബി ജെ പി ഭാരവാഹി പട്ടിക: പുതുതായി ചേക്കേറിയവര്‍ താക്കോല്‍ സ്ഥാനങ്ങളില്‍; പരമ്പരാഗത സംഘപരിവാറുകാര്‍ക്ക് അതൃപ്തി
