Gulf
മുന്‍ പ്രവാസി ഹൃദയാഘാതം മൂലം നിര്യാതനായി
ഷാര്‍ജ: സന്ദര്‍ശക വിസയിലെത്തിയ മുന്‍ പ്രവാസി ഹൃദയാഘാതം മൂലം നിര്യാതനായി. തിരുവനന്തപുരം മംഗലപുരം കാരമൂട് അഷ്ഫാഖ് മന്‍സിലില്‍ ഷാഹുല്‍ ഹമീദാ(50)ണ് മരിച്ചത്.
ഏഴ് വര്‍ഷത്തോളം ദുബൈയില്‍ ടാക്‌സി ഡ്രൈവറായിരുന്ന ഷാഹുല്‍ ഹമീദ് മൂന്ന് വര്‍ഷം മുമ്പ് പ്രവാസ ജീവിതം മതിയാക്കി നാട്ടിലേക്ക് മടങ്ങിയതായിരുന്നു. കഴിഞ്ഞ മാസം വീണ്ടും യു എ യിലെത്തുകയും ടാക്‌സി ഡ്രൈവറായി ജോലിയില്‍ പ്രവേശിക്കാന്‍ തയ്യാറെടുപ്പുകള്‍ നടത്തിവരികയുമായിരുന്നു. കഴിഞ്ഞ ദിവസം താമസ സ്ഥലത്ത് ഹൃദയാഘാതമുണ്ടായതിനെ തുടര്‍ന്ന് കുവൈത്ത് ആശുപത്രിയില്‍ ചികിത്സയിലായിരുന്നു. ബുധനാഴ്ച പുലര്‍ച്ചെ മൂന്നിനായിരുന്നു മരണം.
പരേതനായ മാഹിന്‍ അബൂബക്കര്‍-ഷരീഫാ ബിവി ദമ്പതികളുടെ മകനാണ്. ഹമീദയാണ് ഭാര്യ. മക്കള്‍: അഷ്ഫാഖ്, സൂന, നബീല്‍. സഹോദരങ്ങള്‍: റസിയ, സീനത്ത്, മുജീബ്, ഷമീര്‍(രണ്ടു പേരും യുഎഇയില്‍), നൗഫല്‍, രഹ്‌ന, സമീറ, അന്‍സാര്‍.
നടപടികള്‍ക്ക് ശേഷം മൃതദേഹം നാട്ടിലേയ്ക്ക് കൊണ്ടുപോകുമെന്ന് ദുബൈയില്‍ ടാക്‌സി ഡ്രൈവറായ മുജീബ് പറഞ്ഞു.
Latest
പന്തളത്ത് മരക്കൊമ്പ് ഒടിഞ്ഞ് വീണ് ബൈക്ക് യാത്രക്കാരന് സാരമായി പരുക്കേറ്റു
സംസ്ഥാനത്ത് ഇന്ന് കെ എസ് യുവിന്റെ വിദ്യാഭ്യാസ ബന്ദ്
മലപ്പുറത്ത് മരിച്ച 18കാരിക്ക് നിപയെന്ന് സംശയം; സാംപിള്‍ പരിശോധനക്കയച്ചു
കോട്ടയം മെഡിക്കല്‍ കോളജില്‍ കെട്ടിടം തകര്‍ന്ന് അപകടം: ബിന്ദുവിന്റെ മൃതദേഹം വീട്ടിലെത്തിച്ചു; ജില്ലാ കലക്ടറുടെ നേതൃത്വത്തിലുള്ള അന്വേഷണം ഇന്ന് തുടങ്ങും
ബിഗ് ബ്യൂട്ടിഫുള്‍ ബില്‍ ജനപ്രതിനിധി സഭയും പാസാക്കി; ട്രംപ് ഇന്ന് ഒപ്പ് വെക്കും
സഊദിയില്‍ വെടിയേറ്റു മരിച്ച ഐ സി എഫ് പ്രവര്‍ത്തകന്‍ ബഷീറിന്റെ മയ്യിത്ത് നാട്ടിലെത്തിച്ചു
