Gulf
മികച്ച ടാക്‌സി ഡ്രൈവര്‍ക്ക് ആര്‍ ടി എ അവാര്‍ഡ് നല്‍കും
ദുബൈ: മികച്ച ടാക്‌സി ഡ്രൈവര്‍ക്ക് അവാര്‍ഡ് നല്‍കുമെന്ന് ആര്‍ ടി എ ചെയര്‍മാന്‍ മത്തര്‍ അല്‍ തായര്‍ വ്യക്തമാക്കി. ഏറ്റവും മികച്ച ദുബൈ ടാക്‌സി ഓപറേറ്റര്‍ക്കാവും മികച്ച ഡ്രൈവര്‍ക്കുള്ള അവാര്‍ഡ് നല്‍കുക. ദിനേനയുള്ള ജോലിയിലെ മിടുക്കും ഉപഭോക്താക്കളോടുള്ള പെരുമാറ്റവും കണക്കിലെടുത്താവും അവാര്‍ഡിന് അര്‍ഹരായവരെ കണ്ടെത്തുക. മൊത്തം ഡ്രൈവര്‍മാരില്‍ നിന്നും തിരഞ്ഞെടുക്കുന്ന 10 പേര്‍ക്കാവും അവാര്‍ഡ് നല്‍കുക. പൊതുഗതാഗത ദിനമായ നവംബര്‍ ഒന്നിനാവും എല്ലാ വര്‍ഷവും അവാര്‍ഡ് വിതരണം ചെയ്യുക.
വിവിധ ടാക്‌സി സര്‍വീസ് കമ്പനികളുടെ മുതിര്‍ന്ന ഉദ്യോഗസ്ഥരുമായി സംസാരിക്കവേയാണ് ഇക്കാര്യം അല്‍ തായര്‍ വ്യക്തമാക്കിയത്. ആര്‍ ടി എ ലൈസന്‍സിംഗ് ഏജന്‍സി സി ഇ ഒ അഹമ്മദ് ഹാഷിം ബഹ്‌റോസിയാന്‍, പബ്ലിക് ട്രാന്‍സ്‌പോര്‍ട്ട് ഏജന്‍സി സി ഇ ഒ ഡോ. യുസുഫ് മുഹമ്മദ് അല്‍ അലി, ദുബൈ ടാക്‌സി കോര്‍പറേഷന്‍ സി ഇ ഒ അഹ്മദ് അല്‍ സുവൈദി എന്നിവര്‍ക്കൊപ്പം കാര്‍സ് ടാക്‌സി, മെട്രോ ടാക്‌സി, അറേബ്യ ടാക്‌സി, ദുബൈ ടാക്‌സി എന്നിവയുടെ മുതിര്‍ന്ന ഉദ്യോഗസ്ഥരും പങ്കെടുത്തു.
Latest
ജോലിക്കിടെ കാണാതായ പോസ്റ്റ് ഓഫീസ് ജീവനക്കാരനെ രണ്ട് ദിവസത്തിനു ശേഷം മരിച്ച നിലയില്‍ കണ്ടെത്തി
അളവിലധികം കീടനാശിനിയുടെ സാന്നിധ്യം; എവറസ്റ്റ് കറി മസാല തിരിച്ചുവിളിച്ച് സിംഗപ്പൂര്‍
പത്തനംതിട്ടയിലും മോക് പോളില്‍ ബിജെപിക്ക് അധിക വോട്ട് ; യുഡിഎഫ് പരാതി നല്‍കി
നീലേശ്വരം സ്വദേശി അല്‍ ഐനില്‍ നിര്യാതനായി
ജപ്തി നടക്കുന്നതിനിടെ ആത്മഹത്യാ ശ്രമം; വീട്ടുടമയായ സ്ത്രീ ആശുപത്രിയില്‍
വൈദ്യുതി കുടിശ്ശികയായതോടെ പത്തനംതിട്ട ജില്ലാ വിദ്യാഭ്യാസ ഓഫീസിലെ ഫ്യൂസ് ഊരി കെഎസ്ഇബി
