Gulf
ട്രാം പദ്ധതി: ശില്‍പശാലകള്‍ തുടങ്ങി ഹോട്ടലുകളില്‍ നോള്‍ കാര്‍ഡ് വിതരണം ചെയ്യും
ദുബൈ: ട്രാം പദ്ധതിയുടെ ഗുണഭോക്താക്കള്‍ക്കു വേണ്ടി ആര്‍ ടി എ ശില്‍പശാല തുടങ്ങി. ട്രാം പദ്ധതി മേഖലയിലുള്ള ഹോട്ടലുകളുടെ പ്രതിനിധികള്‍ക്കുവേണ്ടി ശില്‍പശാല സംഘടിപ്പിച്ചതായി ആര്‍ ടി എ ആസൂത്രണ വിഭാഗം ഡയറക്ടര്‍ നാസിര്‍ ബു ശിഹാബ് അറിയിച്ചു.
ട്രാമിനെയും ഹോട്ടലുകളെയും ബന്ധിപ്പിക്കുന്ന ഘടകങ്ങള്‍ ചര്‍ച്ച ചെയ്തു. മെട്രോ സ്റ്റേഷനുകളെയും ട്രാമിനെയും എങ്ങിനെ ബന്ധിപ്പിക്കുന്നുവെന്നും വിശദീകരിച്ചു.
ഹോട്ടലുകള്‍ക്ക് പ്രത്യേകതരം നോള്‍കാര്‍ഡ് വിതരണം ചെയ്യും. ഹോട്ടല്‍ അതിഥികള്‍ക്ക് ഇവ ഗുണം ചെയ്യും.
ആദ്യഘട്ടത്തില്‍ സുഫൂഹ്, ജുമൈറ ബീച്ച് റസിഡന്‍സ് വാക്, ദുബൈ മറീന, നോളജ് വില്ലേജ് എന്നീ സ്ഥലങ്ങളിലൂടെ ട്രാം സഞ്ചരിക്കും. 11 കിലോമീറ്ററില്‍ 11 സ്റ്റേഷനുകള്‍ ഉണ്ടാകും. അടുത്ത നവംബറില്‍ ആദ്യഘട്ടം ഉദ്ഘാടനം ചെയ്യും.
ഓരോ ആറു മിനുട്ടിനും ഒരു ട്രാം എന്നതാണ് ലക്ഷ്യം. കാല്‍ നട യാത്രക്കാര്‍ക്കും സൈക്കിള്‍ യാത്രക്കാര്‍ക്കും തടസം ഉണ്ടാകില്ല. നാസിര്‍ ബുശിഹാബ് പറഞ്ഞു.
ആര്‍ ടി എ റെയില്‍ വിഭാഗം ഉദ്യോഗസ്ഥരും 22 ഹോട്ടല്‍ പ്രതിനിധികളും മറ്റും പങ്കെടുത്തു.
Latest
നിയമസഭ സമ്മേളനം: ആരോഗ്യമേഖലയിലെ നേട്ടങ്ങള്‍ പറഞ്ഞ് ഭരണപക്ഷം; കപ്പിത്താന്‍ ഇല്ലാതെ പോകുന്നുവെന്ന് പ്രതിപക്ഷം
മലപ്പുറത്ത് പാറ പൊട്ടിച്ച വേസ്റ്റ് കുളത്തിലേക്ക് തള്ളുന്നതിനിടെ ലോറി മറിഞ്ഞു; ഡ്രൈവര്‍ക്ക് ദാരുണാന്ത്യം
നടിയെ ആക്രമിച്ച കേസ്: കൊച്ചിയിലെ വിചാരണക്കോടതി ഇന്ന് വീണ്ടും പരിഗണിക്കും
ചേര്‍ത്തലയില്‍ കെഎസ്ആര്‍ടിസി ബസ് ഇടിച്ച് അപകടം; 28 പേര്‍ക്ക് പരുക്ക്
പാര്‍ട്ടി സസ്പെന്‍ഡ് ചെയ്ത ആള്‍ക്കൊപ്പം പോയത് തെറ്റായ സന്ദേശം; നേമം ഷജീറിനെതിരെ പരാതി
പോലീസ് അതിക്രമങ്ങള്‍ സര്‍ക്കാരിനെതിരെ നിയമസഭയില്‍ ഉന്നയിക്കാന്‍ പ്രതിപക്ഷം; രാഹുല്‍ ഇന്ന് സഭയില്‍ എത്തിയേക്കില്ല
