Kozhikode
ടി പി വധക്കേസ്: കോടതി വിധിക്കെതിരെ അപ്പീല്‍ പോകുമെന്ന് തിരുവഞ്ചൂര്‍
കോഴിക്കോട്: ടി പി ചന്ദ്രശേഖരന്‍ വധക്കേസില്‍ പ്രതികളെ വെറുതെ വിട്ട വിചാരണക്കോടതി വിധിക്കെതിരെ അപ്പീല്‍ പോകുമെന്ന് ആഭ്യന്തരമന്ത്രി തിരുവഞ്ചൂര്‍ രാധാകൃഷ്ണന്‍. കോഴിക്കോട് മാധ്യമപ്രവര്‍ത്തകരുമായി സംസാരിക്കുകയായിരുന്നു അദ്ദേഹം. ടി പി ചന്ദ്രശേഖരന്‍ വധക്കേസില്‍ പ്രതിപട്ടികയിലുണ്ടായിരുന്ന 20 പേരെ വെറുതെ വിട്ട നടപടിക്കെതിരെ നിയമവശം ആലോചിച്ചശേഷം അപ്പീല്‍ പോകും. ഇക്കാര്യത്തില്‍ ചര്‍ച്ചകളും കൂടിയാലോചനകളും നടക്കുന്നുണ്ട്. അനുവദിക്കപ്പെട്ട സമയത്തിനുള്ളില്‍ തന്നെ അപ്പീല്‍പോകും. പബ്ലിക് പ്രോസിക്യൂട്ടര്‍മാരിലും അന്വേഷണ സംഘത്തിലും പൂര്‍ണ്ണവിശ്വാസമുണ്ട്. അന്വേഷണ സംഘത്തെ വിമര്‍ശിക്കുന്നവര്‍ കുളത്തിന്റെ കരയില്‍ നിന്ന് നീന്തലിനെക്കുറിച്ച് സംസാരിക്കുന്നതുപോലെയാണെന്നും തിരുവഞ്ചൂര്‍ കൂട്ടിച്ചേര്‍ത്തു.
കോഴിക്കോട് ഗസ്റ്റ് ഹൗസില്‍ ടി പി വധക്കേസ് അന്വേഷണ ഉദ്യോഗസ്ഥരുമായി മന്ത്രി രഹസ്യമായി കൂടിക്കാഴ്ച നടത്തി. പോലീസിന്റെ അകമ്പടി പോലും ഒഴിവാക്കി അതീവരഹസ്യമായാണ് മന്ത്രി എത്തിയത്.
Latest
മാസപ്പടി കേസ്; മുഖ്യമന്ത്രിക്കും മകള്‍ക്കുമെതിരായ ഹരജിയില്‍ വിധി ഇന്ന്
മോഷണക്കേസില്‍ ജയിലിലായി; നിരപരാധിത്വം തെളിഞ്ഞതിന് പിന്നാലെ യുവാവ് ജീവനൊടുക്കിയ നിലയില്‍
സംസ്ഥാനത്ത് മൂന്ന് ദിവസം ഇടിമിന്നലോട് കൂടിയ മഴക്ക് സാധ്യത; ഇന്ന് മൂന്ന് ജില്ലകളില്‍ യെല്ലോ അലര്‍ട്ട്
ലോക്‌സഭാ തിരഞ്ഞെടുപ്പ്; ആദ്യഘട്ട വോട്ടെടുപ്പ് തുടങ്ങി
ഓ അശുതോഷ്...! മുംബൈക്ക് ഒന്പത് റൺസ് ജയം
ന്യൂനപക്ഷ സമുദായങ്ങളുടെ ആരാധനാലയങ്ങള്‍ ആക്രമിക്കുന്നത് അപലപനീയം: കാന്തപുരം തെലങ്കാന മുഖ്യമന്ത്രിക്ക് കത്തയച്ചു
