Kasargod
കാഞ്ഞങ്ങാട് നെഹ്‌റു കോളജില്‍ മലയാളം ബിരുദ കോഴ്‌സ് അനുവദിച്ചു
കാഞ്ഞങ്ങാട്: നെഹ്‌റു കോളജില്‍ മലയാളം ബിരുദ കോഴ്‌സ് അനുവദിച്ചുകൊണ്ട് സര്‍ക്കാര്‍ ഉത്തരവിറങ്ങി. ഈവര്‍ഷംതന്നെ കോഴ്‌സ് അനുവദിക്കാനാണ് സര്‍ക്കാര്‍ നിര്‍ദേശിച്ചിരിക്കുന്നത്. താമസിയാതെ തന്നെ കോളജില്‍നിന്നും അപേക്ഷാഫോറങ്ങള്‍ വിതരണം ചെയ്തുതുടങ്ങും. മലയാളത്തിനൊപ്പം കോളജിനു അനുവദിച്ച എം കോം കോഴ്‌സും ഈവര്‍ഷംതന്നെ ആരംഭിക്കും.
ശ്രേഷ്ഠഭാഷാപദവി മലയാള ഭാഷക്ക് ലഭിച്ചതിനും മലയാളം സര്‍വകലാശാല സ്ഥാപിക്കപ്പെട്ടതിനും ഭരണഭാഷ മലയാളമായി പ്രഖ്യാപിക്കപ്പെട്ടതിനും കലാലയങ്ങളില്‍ ഒന്നാം ഭാഷയായി തീരുമാനിക്കപ്പെട്ടതിനും പിന്നാലെ പിന്നാക്ക ജില്ലയായ കാസര്‍കോട്ട് മലയാളം അനുവദിക്കപ്പെട്ടതില്‍ ഭാഷാസ്‌നേഹികളില്‍ സന്തോഷത്തിന്റെ അലകളുയര്‍ത്തി.
നിരവധി പുസ്തകങ്ങളുടെ പ്രസിദ്ധീകരണത്തിലൂടെ, നിരവധി ശില്‍പശാലകളിലൂടെ (ഇപ്പോള്‍ മൂന്നുനാള്‍ നാട്ടറിവ് പാഠശാലയുടെ ഒരുക്കങ്ങള്‍ക്കിടയിലാണ്) മലയാളവിഭാഗം നടത്തുന്ന സാഹിത്യവേദി ഏറെ ശ്രദ്ധിക്കപ്പെട്ടിരുന്നു. രണ്ടുവര്‍ഷം മുമ്പ് സര്‍ക്കാറിന്റെ പ്രഥമ ഹരിത പുരസ്‌കാരം നേടിക്കൊണ്ട് സുരേഷ് ഗോപിയുടെ ധനസഹായത്തോടെ എന്‍ഡോസള്‍ഫാന്‍ ദുരിതബാധിതര്‍ക്ക് വീടുകള്‍ നിര്‍മിച്ച് ഭവന നിര്‍മാണപദ്ധതി മുന്നോട്ടുകൊണ്ടുപോകുന്ന സാഹിത്യവേദിയുടെ പ്രവര്‍ത്തനങ്ങള്‍ക്ക് ഏറെ പ്രോത്സാഹനമായിരിക്കും ഈ മലയാളം കോഴ്‌സിന്റെ പ്രഖ്യാപനം.
Latest
മണിപ്പൂരില്‍ പോളിങ് ബൂത്തില്‍ സംഘര്‍ഷം ; പോളിങ് മെഷീനുകള്‍ അക്രമകാരികള്‍ തകര്‍ത്തു.
സജി മഞ്ഞക്കടമ്പില്‍ എന്‍ഡിഎയിലേക്ക്; മറ്റൊരു കേരള കോണ്‍ഗ്രസ് പാര്‍ട്ടി പ്രഖ്യാപനം ഉടന്‍
തിരുവനന്തപുരത്ത് ഏഴ് വയസുകാരനെ മര്‍ദിച്ച സംഭവം; അമ്മ അറസ്റ്റില്‍
തിരഞ്ഞെടുപ്പ് ഡ്യൂട്ടിയിലുണ്ടായിരുന്ന സിആര്‍പിഎഫ് ജവാന്‍ പോളിങ് ബൂത്തിലെ ശൗചാലയത്തില്‍ മരിച്ചനിലയില്‍
വീട്ടിലെ വോട്ടില്‍ കള്ളവോട്ടെന്ന പരാതിയില്‍ കേസെടുത്തു; പോളിംഗ് സംഘത്തിലെ നാല് ഉദ്യോഗസ്ഥര്‍ക്ക് സസ്‌പെന്‍ഷന്‍
വെറുപ്പിനെ പരാജയപ്പെടുത്തി രാജ്യത്തിന്റെ മുക്കിലും മൂലയിലും സ്‌നേഹത്തിന്റ കട തുറക്കണമെന്ന് രാഹുല്‍ ഗാന്ധി
