International
ഇറ്റലിയിലെ മാഫിയാ നേതാവ് പിടിയിലായി
ബഗോട്ട: ഇറ്റലിയിലെ മാഫിയാ നേതാവ് കൊംളബിയയില്‍ പിടിയില്‍. ഇറ്റലിയിലെ കള്ളക്കടത്ത് സംഘത്തിലെ പിടികിട്ടാപ്പുള്ളിയായ റോബര്‍ട്ടോ പാന്നുന്‍സിയാണ് അറസ്റ്റിലായത്. കൊളംബിയന്‍ തലസ്ഥാനമായ ബഗോട്ടയില്‍ ഷോപ്പിംഗ് സെന്ററില്‍ വെച്ചാണ് പിടികൂടിയത്. റോമിലെ ക്ലിനിക്കില്‍ ചികിത്സയില്‍ കഴിയുന്നതിനിടക്കാണ് തടവുകാരാനായ പാന്നുന്‍സി രക്ഷപ്പെടുന്നത്. ഇറ്റലിയുടെയും കൊളംബിയയുടെയും ഇടയിലുള്ള കൊക്കൈന്‍ കടത്തിന് നേതൃത്വം നല്‍കിയത് ഇയാളായിരുന്നുവെന്ന് ഇറ്റാലിയന്‍ അഭിഭാഷകര്‍ ചൂണ്ടിക്കാട്ടി.
നദ്രാന്‍ഘട്ട എന്ന മാഫിയാ സംഘത്തിന്റെ നേതാവാണ് ഇദ്ദേഹം. ഈ സംഘം യൂറോപ്പിലേക്ക് പ്രതിമാസം രണ്ട് ടണ്‍ കൊക്കൈന്‍ കയറ്റുമതി ചെയ്തുവരുന്നുവെന്നാണ് കണക്ക്. യു എസ് ഡ്രഗ് എന്‍ഫോഴ്‌സ്‌മെന്റ് അഡ്മിനിസ്‌ട്രേഷന്റെ സഹായത്തോടെയാണ് പാന്നുന്‍സിയെ പിടികൂടിയതെന്ന് കൊളംബിയന്‍ പ്രതിരോധ മന്ത്രാലയം അറിയിച്ചു.
പാന്നുന്‍സി അറിയപ്പെടുന്നത് പാബ്ലോ എസ്‌കോബാര്‍ എന്നാണ്. വെനിസ്വേലയുടെ വ്യാജ തിരച്ചറിയല്‍ കാര്‍ഡില്‍ സില്‍വാനോ മാര്‍ട്ടിനോ എന്ന പേരാണ് ഉള്ളത്. 2010ല്‍ ഇറ്റലിയിലെ ആശുപത്രിയില്‍ നിന്ന് ചികിത്സക്കിടെ നാടകീയമായി ഇയാള്‍ രക്ഷപ്പെട്ടിരുന്നു.
Latest
നിമിഷ പ്രിയയുടെ മോചനം; മാപ്പപേക്ഷയുമായി അമ്മ യമനിലേക്കു പുറപ്പെട്ടു
ആദ്യഘട്ടം തെരഞ്ഞെടുപ്പിനിടെ സ്ഫോടനം; കേന്ദ്രസേന ഉദ്യോഗസ്ഥന് വീരമൃത്യു
പ്രിയങ്ക ഗാന്ധി ഇന്ന് കേരളത്തില്; നാല് പരിപാടികളില് പങ്കെടുക്കും
രാഹുല് ഗാന്ധിയുടെ പരിപാടിയില് ലീഗ് കൊടി ഉയര്ത്തി; വണ്ടൂരില് സംഘര്ഷം
കോട്ട തിരിച്ചുപിടിക്കാൻ യാദവ കുടുംബം ഒറ്റക്കെട്ട്
റെഡ്ഢിമാരും റാവുമാരും ഉഴുതുമറിച്ച തെലുങ്ക് മണ്ണ്
