International
കുവൈത്തില് പാലത്തില് നിന്ന് താഴേക്ക് ചാടി യുവതി ആത്മഹത്യ ചെയ്തു
ശൈഖ് ജാബിര് അല് അഹ്മദ് ബ്രിഡ്ജില് കാര് നിര്ത്തിയ ശേഷം പുറത്തിറങ്ങി വെള്ളത്തിലേക്ക് ചാടുകയായിരുന്നു.
കുവൈത്ത് സിറ്റി| കുവൈത്തില് 22 വയസുള്ള വിദേശ യുവതി ആത്മഹത്യ ചെയ്തു. ശൈഖ് ജാബിര് അല് അഹ്മദ് ബ്രിഡ്ജില് കാര് നിര്ത്തിയ ശേഷം പുറത്തിറങ്ങി വെള്ളത്തിലേക്ക് ചാടുകയായിരുന്നു. ഫയര് സര്വീസസ് ഡിപ്പാര്ട്ട്മെന്റില് നിന്ന് വിവരം ലഭിച്ചതനുസരിച്ച് പട്രോള് ബോട്ടുകള് സ്ഥലത്തെത്തി തിരച്ചില് നടത്തി. മൃതദേഹം കണ്ടെടുത്ത് തുടര് പരിശോധനകള്ക്കായി ബന്ധപ്പെട്ട അധികൃതര്ക്ക് കൈമാറി.
ഓസ്ട്രേലിയന് സ്വദേശിനിയായ യുവതി രാവിലെ വീട്ടില് നിന്ന് ജോലി സ്ഥലത്തേക്ക് പോകാനായാണ് കാറില് പുറപ്പെട്ടത്. എന്നാല് ഓഫീസിലേക്ക് പോകാതെ ജാബിര് ബ്രിഡ്ജിലേക്ക് വരികയും വാഹനം നിര്ത്തിയ ശേഷം വെള്ളത്തില് ചാടി ആത്മഹത്യ ചെയ്യുകയായിരുന്നെന്നാണ് പ്രാഥമിക അന്വേഷണത്തില് വ്യക്തമായത്. ആത്മഹത്യയിലേക്ക് നയിച്ച കാരണങ്ങള് കണ്ടെത്താന് പൊലീസ് അന്വേഷണം തുടങ്ങിയിട്ടുണ്ട്.