Kerala
അക്രമികളെ കൊണ്ടുവന്നത് പോലീസ് വാഹനത്തില്; മുഖ്യമന്ത്രി അറിഞ്ഞുള്ള ഗൂഢാലോചനയെന്ന് ഗവര്ണര്
അക്രമികള്ക്കെതിരായ ദുര്ബല വകുപ്പുകള് നിലനില്ക്കില്ലെന്ന് ചീഫ് സെക്രട്ടറിയോടും ഡിജിപിയോടും അറിയിച്ചിട്ടുണ്ടെന്നും ഗവര്ണര്
ന്യൂഡല്ഹി| എസ്എഫ്ഐ പ്രവര്ത്തകരുടെ പ്രതിഷേധത്തില് മുഖ്യമന്ത്രിയെയും സര്ക്കാരിനെയും വിമര്ശിച്ച് ഗവര്ണര് ആരിഫ് മുഹമ്മദ് ഖാന്. വിദ്യാര്ത്ഥികളെ ഇളക്കിവിട്ടത് മുഖ്യമന്ത്രിയുടെ പ്രസംഗമാണ്. പ്രതിഷേധം മുഖ്യമന്ത്രി അറിഞ്ഞുള്ള ഗൂഢാലോചനയാണെന്നും ഗവര്ണര് ആരോപിച്ചു. പോലീസ് വാഹനത്തില് അക്രമികളെ കൊണ്ടുവന്നുവെന്നും തിരിച്ച് കൊണ്ടുപോയതും പോലീസ് വാഹനത്തിലാണെന്നും ഗവര്ണര് ഡല്ഹിയില് പറഞ്ഞു.
ഗൂഢാലോചനക്ക് മുഖ്യമന്ത്രി നേതൃത്വം നല്കിയെന്നാണ് ഗവര്ണര് ആരോപിക്കുന്നത്. അക്രമികള്ക്കെതിരായ ദുര്ബല വകുപ്പുകള് നിലനില്ക്കില്ലെന്ന് ചീഫ് സെക്രട്ടറിയോടും ഡിജിപിയോടും അറിയിച്ചിട്ടുണ്ടെന്നും ഗവര്ണര് ആരിഫ് മുഹമ്മദ് ഖാന് പറഞ്ഞു. മുഖ്യമന്ത്രിയുടെ കാറിന് ഷൂ എറിഞ്ഞവര്ക്കെതിരെ ചുമത്തിയ വകുപ്പുകള് ഏതാണെന്നും അദ്ദേഹം ചോദിച്ചു. കേരളത്തില് ഭരണഘടന പ്രതിസന്ധിയുണ്ടെന്നും ഗവര്ണര് പറഞ്ഞു.