Kerala
141 ഗ്രാം സ്വര്ണവുമായി മുങ്ങി; ആന്ഡമാന് ദ്വീപുകളിലെ കാട്ടിലൊളിച്ച പ്രതികൾ പിടിയിൽ
76 ഗ്രാം സ്വര്ണം കണ്ടെടുത്തു.
കാക്കനാട്| 141 ഗ്രാം സ്വര്ണവുമായി മുങ്ങി ആന്ഡമാന് ദ്വീപുകളിലെ കാട്ടിലൊളിച്ച പ്രതികളെ അതിസാഹസികമായി പിടികൂടി. തൃക്കാക്കര പോലീസാണ് പ്രതികളെ പിടികൂടിയത്. കാക്കനാട് സെസ്സിലെ ആമി എക്സ്പോര്ട്സ് എന്ന സ്ഥാപനത്തില് നിന്നാണ് 141 ഗ്രാം സ്വര്ണവുമായി പ്രതികള് മുങ്ങിയത്. പശ്ചിമ ബംഗാള് സ്വദേശികളായ പ്രശാന്ത് സര്ക്കാര് (47), റഫീക്കുള് മുന്സി (40), രാഹുല് പണ്ഡിറ്റ് (31) എന്നിവരാണ് പോലീസിന്റെ പിടിയിലായത്. 76 ഗ്രാം സ്വര്ണം കണ്ടെടുത്തു.
ആന്ഡമാന് നിക്കോബാര് ദ്വീപുകളിലെ വനമേഖലയില് ഇവരുണ്ടെന്ന് കണ്ടെത്തിയത് കേസില് നിര്ണായകമാകുകയായിരുന്നു. ഡിഗിലിപൂരിലെ മധുപൂര് മാര്ക്കറ്റില് ഒളിവില് കഴിഞ്ഞിരുന്ന ഒന്നാം പ്രതി പ്രശാന്തിനെ മിന്നല് നീക്കത്തിലൂടെ പോലീസ് കീഴടക്കി. സൂറത്തിലെ ജ്വല്ലറിയിലെ ജോലി ഉപേക്ഷിച്ച രണ്ടാം പ്രതിയായ റഫീക്കുള് മുന്സി നഗോരിവാദിലാണ് ഒളിവില് കഴിഞ്ഞിരുന്നത്. ഡിജിറ്റല് തെളിവുകള് പിന്തുടര്ന്ന പോലീസ് സംഘം ഇയാളെയും പിടികൂടിയത്.
ചോദ്യം ചെയ്യലിനോട് സഹകരിക്കാതിരുന്ന റഫീക്കുളിന്റെ ഫോണ് കോളുകളും ബാങ്ക് അക്കൗണ്ട് രേഖകളും ശാസ്ത്രീയമായി പരിശോധിച്ചാണ് സ്വര്ണം വിറ്റ കട കണ്ടെത്തിയത്. റഫീഖിന്റെ വീട്ടില് റെയ്ഡ് നടത്തി ഒളിപ്പിച്ചുവെച്ച 25 ഗ്രാം സ്വര്ണം കണ്ടെടുത്തു. കൊല്ക്കത്തയിലെ കുപ്രസിദ്ധ ക്രിമിനലുകള്ക്കൊപ്പം കഴിഞ്ഞിരുന്ന മൂന്നാം പ്രതി രാഹുലിനെ രാത്രിയുടെ മറവില് കൂട്ടാളികള്ക്കിടയില് നിന്നാണ് പോലീസ് സംഘം വലയിലാക്കിയത്.
മുംബൈ പോലീസിന്റെ സഹായത്തോടെ റെയ്ഡ് നടത്തി 25 ഗ്രാം സ്വര്ണവും കണ്ടെടുത്തു. തൃക്കാക്കര പോലീസ് സബ് ഇന്സ്പെക്ടര് വി ബി അനസ്, എസ് സി പി ഒ ജോണ് എബ്രഹാം, സി പി ഒ വിജു എന്നിവരടങ്ങുന്ന സംഘം നടത്തിയ ഊര്ജിത അന്വേഷണത്തിലാണ് പ്രതികള് പിടിയിലായത്. പ്രതികളെ കൊച്ചിയിലെത്തിച്ച് കൂടുതല് അന്വേഷണം നടത്താനാണ് പോലീസ് തീരുമാനം.
Latest
കുന്നത്തൂരില് കോവൂര് കുഞ്ഞുമോന്റെ റോഡ് ഷോയ്ക്ക് നേരെയുണ്ടായ കല്ലേറില് രണ്ടുപേര്ക്കു പരിക്കേറ്റു
അമേരിക്ക ഇറാനില് യുദ്ധക്കുറ്റ കൃത്യങ്ങള് ചെയ്യാന് സാധ്യത; ട്രംപിന്റെ ക്രൂരകൃത്യങ്ങള് തടയാന് ലോക രാജ്യങ്ങളോട് അഭ്യര്ഥിച്ച് ഇറാന്
രാഷ്ട്രീയം പറഞ്ഞു തെറ്റി; വിനോദ സഞ്ചാരികള് കോണ്ഗ്രസ് തെരഞ്ഞെടുപ്പു കമ്മിറ്റി ഓഫീസ് അടിച്ചു തകര്ത്തു
റോഡില് നിന്ന് കളഞ്ഞുകിട്ടിയ സ്വര്ണാഭരണം ഉടമയ്ക്ക് തിരികെ നല്കി യുവതി മാതൃകയായി
യൂത്ത് കോണ്ഗ്രസ് മണ്ഡലം ഭാരവാഹികള് ഏറ്റുമുട്ടി; വൈസ് പ്രസിഡന്റിന്റെ തലക്കു കല്ലുകൊണ്ടു കുത്തി പരിക്കേല്പ്പിച്ചു
കൊയിലാണ്ടിയില് ബൈക്ക് അപകടത്തില് യുവാവ് മരിച്ചു; സഹയാത്രികന് ഗുരുതര പരുക്ക്
