പഠനം ക്രൊയേഷ്യയില്‍

അന്താരാഷ്ട്ര വിദ്യാർഥികൾക്കിടയിൽ ജനപ്രീതിയാർജിച്ചു വരുന്ന രാജ്യമാണ് ക്രൊയേഷ്യ. സമ്പന്നമായ ചരിത്രം, മികച്ച വിദ്യാഭ്യാസ സന്പ്രദായം എന്നിവക്ക് പേരുകേട്ട രാജ്യം കൂടിയാണിത്. നിരവധി സ്കോളർഷിപ്പുകൾ നൽകി വിദേശ വിദ്യാർഥികളെ രാജ്യത്തേക്ക് ആകർഷിക്കുകയാണ് ക്രൊയേഷ്യ.

ക്രൊയേഷ്യ നൽകുന്ന സ്കോളർഷിപ്പുകളെ പരിചയപ്പെടാം.

• അന്താരാഷ്ട്ര വിദ്യാർഥികൾക്കുള്ള ക്രൊയേഷ്യൻ ഗവ. സ്‌കോളർഷിപ്പുകൾ
• സാഗ്രെബ് സർവകലാശാല സ്‌കോളർഷിപ്പുകൾ
• യൂനിവേഴ്സിറ്റി ഓഫ് സ്പ്ലിറ്റ് സ്‌കോളർഷിപ്പുകൾ
• ക്രൊയേഷ്യയിലെ ഇറാസ്മസ് പ്ലസ് സ്‌കോളർഷിപ്പുകൾ
• റിയേക്ക സർവകലാശാല സ്‌കോളർഷിപ്പുകൾ
• ഐ എസ് ഇ ഇ എസ് അന്താരാഷ്ട്ര സ്‌കോളർഷിപ്പ്
• സി ഇ ഇ പി യു എസ് സ്‌കോളർഷിപ്പുകൾ

ക്രൊയേഷ്യൻ ഗവ. സ്‌കോളർഷിപ്പുകൾ

അന്താരാഷ്ട്ര വിദ്യാർഥികൾക്ക് മാത്രം നൽകുന്ന പൂർണ ധനസഹായത്തോടെയുള്ള സ്‌കോളർഷിപ്പുകളിൽ ഒന്നാണ് ക്രൊയേഷ്യൻ ഗവ. സ്‌കോളർഷിപ്പുകൾ. ക്രൊയേഷ്യൻ സർവകലാശാലകളിൽ പഠനം തുടരാൻ ആഗ്രഹിക്കുന്ന വിദ്യാർഥികൾക്ക് ഇത് സാമ്പത്തിക സഹായം നൽകുന്നു. ട്യൂഷൻ ഫീസ്, ജീവിത- യാത്രാ ചെലവുകൾ എന്നിവ ഈ സ്‌കോളർഷിപ്പിൽ ഉൾപ്പെടുന്നു.

യോഗ്യത

• യൂറോപ്യൻ യൂനിയന് പുറത്തുള്ള അന്താരാഷ്ട്ര വിദ്യാർഥികൾക്ക് ലഭ്യമാണ്.
• മുഴുസമയ ഡിഗ്രി പ്രോഗ്രാമിന് (ബാച്ചിലേഴ്‌സ്, മാസ്റ്റേഴ്‌സ്, അല്ലെങ്കിൽ പി എച്ച്ഡി) അപേക്ഷിക്കുന്നവരായിരിക്കണം.
• മികച്ച അക്കാദമിക് നിലവാരമുള്ളവരായിരിക്കണം (https://scholarsavenue.com/croatia-government-scholarship)

സാഗ്രെബ് സർവകലാശാല

ക്രൊയേഷ്യയിലെ ഏറ്റവും വലുതും പഴക്കമേറിയതുമായ സാഗ്രെബ് സർവകലാശാല ബിരുദാനന്തര ബിരുദ പ്രോഗ്രാമുകളിൽ ചേർന്നവർക്ക് നിരവധി സ്‌കോളർഷിപ്പുകൾ വാഗ്ദാനം ചെയ്യുന്നു. പൂർണ ട്യൂഷൻ ഫീസിളവ്, ജീവിതച്ചെലവുകൾ എന്നിവ ഇതിൽ ഉൾപ്പെടുന്നു.

യോഗ്യത

• എല്ലാ രാജ്യങ്ങളിൽ നിന്നുമുള്ള അന്താരാഷ്ട്ര വിദ്യാർഥികൾക്ക് ലഭ്യമാണ്
• അപേക്ഷകർക്ക് മികച്ച അക്കാദമിക് നിലവാരവും ഭാഷാ പ്രാവീണ്യവും ആവശ്യമാണ്
• ഒരു മാസ്റ്റേഴ്സ് അല്ലെങ്കിൽ ഡോക്ടറൽ പ്രോഗ്രാമിൽ ചേർന്നിരിക്കണം (https://www.unizg.hr/)

യൂനിവേഴ്സിറ്റി ഓഫ് സ്പ്ലിറ്റ്

ബിരുദ, ബിരുദാനന്തര, ഡോക്ടറൽ ബിരുദങ്ങൾ പഠിക്കുന്ന അന്തർദേശീയ വിദ്യാർഥികൾക്ക് യൂനിവേഴ്സിറ്റി ഓഫ് സ്പ്ലിറ്റ് സ്‌കോളർഷിപ്പുകൾ വാഗ്ദാനം ചെയ്യുന്നു. യൂനിവേഴ്സിറ്റിയുടെ ആഗോള നിലവാരം വർധിപ്പിക്കുന്നതിനും ഈ സ്‌കോളർഷിപ്പുകൾ ലക്ഷ്യമിടുന്നു.

യോഗ്യത, ആനുകൂല്യം

• എല്ലാ രാജ്യങ്ങളിൽ നിന്നുമുള്ള അന്തർദേശീയ വിദ്യാർഥികൾക്ക് നൽകും
• അപേക്ഷകർക്ക് മികച്ച അക്കാദമിക് നിലവാരവും ഭാഷാ പ്രാവീണ്യവും ആവശ്യമാണ്.
• പൂർണമായോ ഭാഗികമായോ ട്യൂഷൻ ഫീസിളവ്, ജീവിതച്ചെലവുകൾക്കുള്ള പ്രതിമാസ സ്‌റ്റൈപെൻഡ് എന്നിവ ഉൾക്കൊള്ളുന്നു (https://www.unist.hr/university-of-split-awards-top-students-scholarships)

ഇറാസ്മസ് പ്ലസ് സ്‌കോളർഷിപ്പുകൾ

യൂറോപ്യൻ യൂനിയൻ, യൂറോപ്യൻ യൂനിയനിതര രാജ്യങ്ങളിൽ നിന്നുള്ള വിദ്യാർഥികൾക്ക് നൽകുന്ന സ്കോളർഷിപ്പാണിത്. നിരവധി ക്രൊ യേഷ്യൻ സർവകലാശാലകൾ ഇറാസ്മസ് പ്ലസ് പ്രോഗ്രാമിൽ ഉൾപ്പെടുന്നു. അന്താരാഷ്ട്ര വിദ്യാർഥികൾക്ക് ഒരു സെമസ്റ്റർ അല്ലെങ്കിൽ അക്കാദമിക് വർഷം ക്രൊയേഷ്യയിൽ പഠിക്കാൻ ഈ സ്കോളർഷിപ്പ് അവസരം നൽകുന്നു.

യോഗ്യത, ആനുകൂല്യം

• ഇ യു, ഇ യു ഇതര വിദ്യാർഥികൾക്ക് നൽകും
• ഇറാസ്മസ് പ്ലസ് സർവകലാശാലയിൽ ചേർന്നിരിക്കണം
• അക്കാദമിക്, ഭാഷാ പ്രാവീണ്യമുണ്ടായിരിക്കണം
• യാത്രാ ചെലവുകൾ, ക്രൊയേഷ്യയിലെ പഠന കാലയളവിൽ ജീവിത അലവൻസ് എന്നിവ ഉൾപ്പെടുന്നു. (https://erasmus-plus.ec.europa.eu/opportunities/possibilities-by-country/en_croatia)http://(https://erasmus-plus.ec.europa.eu/opportunities/possibilities-by-country/en_croatia)

റിയേക്ക സർവകലാശാല

ക്രൊയേഷ്യയിലെ അഡ്രിയാറ്റിക് തീരത്ത് സ്ഥിതി ചെയ്യുന്ന റിയേക്ക സർവകലാശാല, ബിരുദ, ബിരുദാനന്തര പ്രോഗ്രാമുകൾക്കായി അന്താരാഷ്ട്ര വിദ്യാർഥികൾക്ക് സ്‌കോളർഷിപ്പുകൾ വാഗ്ദാനം ചെയ്യുന്നു. വിദ്യാഭ്യാസത്തിലൂടെ അന്താരാഷ്ട്ര സഹകരണവും വികസനവും വളർത്തിയെടുക്കുക എന്നതാണ് ഈ സ്‌കോളർഷിപ്പുകളുടെ ലക്ഷ്യം.

യോഗ്യത, ആനുകൂല്യം

• ഇ യുവിന് പുറത്തുള്ള അന്താരാഷ്ട്ര വിദ്യാർഥികൾക്ക് ലഭ്യമാണ്
• അക്കാദമിക്, ഭാഷാ പ്രാവീണ്യമുണ്ടായിരിക്കണം
• പൂർണ ട്യൂഷൻ ഫീസിളവ്, ജീവിതച്ചെലവുകൾക്കുള്ള പ്രതിമാസ സ്‌റ്റൈപെൻഡ് എന്നിവ ഉൾക്കൊള്ളുന്നു (https://www.efri.uniri.hr/)

ഐ എസ് ഇ ഇ എസ് – അന്താരാഷ്ട്രം

ക്രൊയേഷ്യയിൽ ഉന്നത വിദ്യാഭ്യാസം നേടാൻ ആഗ്രഹിക്കുന്ന വികസ്വര രാജ്യങ്ങളിൽ നിന്നുള്ള വിദ്യാർഥികൾക്കായി രൂപകൽപ്പന ചെയ്തിരിക്കുന്നതാണ് ഐ എസ് ഇ ഇ എസ് സ്‌കോളർഷിപ്പ് പ്രോഗ്രാം. വിദ്യാഭ്യാസത്തിലൂടെ അന്താരാഷ്ട്ര സഹകരണവും വികസനവും വളർത്തിയെടുക്കുക എന്നതാണ് ലക്ഷ്യം.

യോഗ്യത, ആനുകൂല്യം

• വികസ്വര രാജ്യങ്ങളിൽ നിന്നുള്ള വിദ്യാർഥികൾക്ക് ലഭ്യമാണ്
• അക്കാദമിക്, ഭാഷാ പ്രാവീണ്യമുണ്ടായിരിക്കണം
• പൂർണ ട്യൂഷൻ ഫീസിളവ്
• ജീവിതച്ചെലവുകൾക്കുള്ള പ്രതിമാസ അലവൻസ്
• യോഗ്യതയുള്ള രാജ്യങ്ങളിൽ നിന്നുള്ള വിദ്യാർഥികൾക്കുള്ള യാത്രാ അലവൻസ് (https://www.studyincroatia.hr/)

സി ഇ ഇ പി യു എസ് സ്‌കോളർഷിപ്പുകൾ

സി ഇ ഇ പി യു എസ് (സെൻട്രൽ യൂറോപ്യൻ എക്സ്ചേഞ്ച് പ്രോഗ്രാം ഫോർ യൂനിവേഴ്സിറ്റി സ്റ്റഡീസ്) ക്രൊയേഷ്യ ഉൾപ്പെടെ മധ്യ, കിഴക്കൻ യൂറോപ്പിൽ പഠിക്കുന്ന വിദ്യാർഥികൾക്ക് സാമ്പത്തിക സഹായം നൽകുന്ന പ്രാദേശിക സ്‌കോളർഷിപ്പ് പ്രോഗ്രാമാണ്.

യോഗ്യത, ആനുകൂല്യം

• സി ഇ ഇ പി യു എസ് രാജ്യങ്ങളിൽ നിന്നുള്ള വിദ്യാർഥികൾക്ക് ലഭ്യമാണ്
• അക്കാദമിക്, ഭാഷാ പ്രാവീണ്യം വേണം
• യാത്രാ ചെലവുകൾ
• ജീവിത അലവൻസ്
• ആരോഗ്യ ഇൻഷ്വറൻസ് (https://www.ceepus.info/(https://www.ceepus.info/)