Kerala
സഹോദരിമാരായ കുട്ടികളെ ലൈംഗീക പീഡനത്തിനിരയാക്കി; പ്രതിക്ക് 21 വര്ഷം കഠിന തടവും 2.5 ലക്ഷം രൂപ പിഴയും
2018 മുതല് 2021 വരെയുള്ള കാലയളവില് പല രാത്രികളിലായാണ് കുട്ടികളെ പീഡിപ്പിച്ചത്
പത്തനംതിട്ട | സഹോദരിമാരായ കുട്ടികളെ ലൈംഗീക പീഡനത്തിനിരയാക്കിയ കേസുകളിലെ പ്രതിക്ക് 21 വര്ഷം കഠിന തടവും രണ്ടര ലക്ഷം രൂപ പിഴയും വിധിച്ച് പോക്സോ കോടതി. ഇടയാറന്മുള എരുമക്കാട് സ്വദേശി മോഡിയില് വീട്ടില് കായല് മാടന് എന്ന് വിളിക്കുന്ന എം കെ സുരേഷിനെയാണ് പത്തനംതിട്ട ഫാസ്റ്റ് ട്രാക്ക് സ്പെഷ്യല് ജഡ്ജി മഞ്ജിത് ടി ശിക്ഷ വിധിച്ച് ഉത്തരവായത്. 2018 മുതല് 2021 വരെയുള്ള കാലയളവില് പല രാത്രികളിലായാണ് കുട്ടികളെ പീഡിപ്പിച്ചത്. കുട്ടികള് ഈ വിവരം സ്കൂളിലെ പ്രധാന അധ്യാപികയോട് വെളിപ്പെടുത്തുകയായിരുന്നു. 2023 ല് ജാമ്യത്തില് ഇറങ്ങിയ പ്രതി ഒളിവില് പോവുകയും 2025 വീണ്ടും പിടിക്കപ്പെടുകയും ചെയ്തു.
ആറന്മുള എസ് എച്ച് ഒ മനോജ് സി കെ, എഫ് ഐ ആര് ഇട്ട് അന്വേഷണം നടത്തിയ രണ്ട് കേസുകളിലായാണ് ശിക്ഷ. ജീവപര്യന്തം കഠിന തടവിനു പുറമെ മറ്റു വിവിധ വകുപ്പുകള് പ്രകാരം 21 വര്ഷവും 7 മാസവും കഠിന തടവും 2,50,000 രൂപ പിഴയും അടക്കാനും ഉത്തരവില് പറയുന്നു. കായല് മാടന് എന്ന അപരനാമമുള്ള സുരേഷ് എം കെ മറ്റു പല കേസുകളിലും പ്രതിയാണ്. പ്രോസീക്യൂഷന് വേണ്ടി അഡ്വ. റോഷന് തോമസ് ഹാജരായി. എ എസ് ഐ ഹസീന കോടതി നടപടികളില് സഹായിയായി
Latest
48 മണിക്കൂറിനകം ഹോര്മുസ് തുറന്നില്ലെങ്കില് ഇറാന് മേല് 'സര്വ്വനാശം പെയ്തിറങ്ങും'; വീണ്ടും ഭീഷണിയുമായി ട്രംപ്
പോക്സോ കേസ്; കരാട്ടെ അധ്യാപകനെ കുറ്റക്കാരനല്ലെന്ന് കണ്ട് കോടതി വെറുതെ വിട്ടു
വര്ക്കലയില് അവധി ആഘോഷിക്കാനെത്തിയ ഒഡിഷ സ്വദേശിനി കടലില് മുങ്ങി മരിച്ചു; രണ്ട് പേരെ രക്ഷപ്പെടുത്തി
'കോണ്ഗ്രസിന്റെ സ്വഭാവം വെച്ച് സിപിഎമ്മിനെ അളക്കാനും മാര്ക്കിടാനും വരേണ്ട; ആക്ഷേപം അജ്ഞതയും അധികപ്രസംഗവും'
സിറ്റിങ് സീറ്റുകള് നിലനിര്ത്താന് എല് ഡി എഫും പേര് ദോഷം മാറ്റാന് യു ഡി എഫും
സഹോദരിമാരായ കുട്ടികളെ ലൈംഗീക പീഡനത്തിനിരയാക്കി; പ്രതിക്ക് 21 വര്ഷം കഠിന തടവും 2.5 ലക്ഷം രൂപ പിഴയും
