നെടുമ്പാശ്ശേരില്‍ വിമാനം താഴ്ന്നുപറന്നതിനെ തുടര്‍ന്ന് സ്‌കൂളിന്റെ ഓടുകള്‍ പറന്നുപോയി

കൊച്ചി| നെടുമ്പാശ്ശേരില്‍ വിമാനം താഴ്ന്നുപറന്നതിനെ തുടര്‍ന്ന് സ്‌കൂള്‍ മേല്‍ക്കൂരയിലെ ഓടുകള്‍ പറന്നുപോയി. ഇന്നലെ രാത്രി നെടുമ്പാശ്ശേരി വിമാനത്താവളത്തിന് സമീപത്തുള്ള ഒക്കല്‍ ശ്രീനാരായണ ഹയര്‍സെക്കന്‍ഡറി സ്‌കൂള്‍ കെട്ടിടത്തിന്റെ മേല്‍ക്കൂരയാണ് തകര്‍ന്നത്. രാത്രിയായതിനാല്‍ വലിയ ദുരന്തം ഒഴിവായി.

നെടുമ്പാശ്ശേരിയിലേക്ക് പോയ വിമാനം താഴ്ന്നു പറന്നതാണ് അപകടകാരണമെന്ന് നാട്ടുകാര്‍ പറഞ്ഞു. നിരന്തരം പരാതി നല്‍കിയിട്ടും എയര്‍പോര്‍ട്ട് അധികൃതര്‍ നടപടിയെടുക്കുന്നില്ലെന്നാണ് നാട്ടുകാരുടെ ആക്ഷേപം.

എന്നാല്‍ ഇത്തരം വിഷയങ്ങളില്‍ വിമാന കമ്പനികള്‍ ആണ് ഉത്തരവാദിത്വം ഏറ്റെടുക്കേണ്ടതെന്നും, ഇതുവരെയുള്ള പരാതികളില്‍ എയര്‍പോര്‍ട്ട് അതോറിറ്റി ഇടപെട്ട് നഷ്ടപരിഹാരം നല്‍കിയിട്ടുണ്ടെന്നും എയര്‍പോര്‍ട്ട് അധികൃതര്‍ വ്യക്തമാക്കി.

Content Highlights:
A low-flying aircraft heading to Nedumbassery Airport blew off the roof tiles of Okkal Sree Narayana Higher Secondary School. Residents alleged negligence from airport authorities despite repeated complaints. Authorities stated airlines are responsible and past claims were compensated.